40 Aniversario España en el Consejo de Europa

EFEMÉRIDES. ESPAÑA: 40 ANOS NO CONSELLO DE EUROPA.
Tras finalizar a Segunda Guerra Mundial, e co obxectivo de protexer e velar polos valores democráticos e os dereitos fundamentais dos cidadáns europeos, créase o Consello de Europa.
En 1949, tras a sinatura do Tratado de Londres, créase esta organización formada entón por Bélxica, Francia, Luxemburgo, Países Baixos e Reino Unido.
Pouco a pouco fóronse incorporando outros países, ata 47, que son os que hoxe forman parte do Consello de Europa.
España uniuse a eles hai corenta anos, o 24 de novembro de 1977. Nesa época, o noso país estaba a vivir o seu proceso de transición política, polo que esta adhesión supuxo un gran paso para afianzar a democracia.
España era consciente de que o seu futuro pasaba por Europa e Europa tamén sabía que o seu o facía por España, malia a súa nova democracia. España aínda non tiña unha constitución en vigor, pero si moitas esperanzas e ansias dun futuro mellor.
Os 47 países membros loitan por protexer un espazo xurídico cunhas garantías mínimas que se resumen en tres principios: a defensa dos dereitos humanos, a democracia pluralista e a primacía do dereito.
Dentro do seu tramado institucional, salienta o Tribunal Europeo de Dereitos Humanos, cuxas sentenzas han de ser cumpridas por todos os Estados que forman parte do Convenio Europeo de Dereitos Humanos. Os xuíces do tribunal contan cunha autoridade moral e xurídica, e teñen que actuar con ecuanimidade e xustiza.
Non obstante, esta organización non só se cingue no aspecto xurídico e político, senón que, tamén, tendo en conta o factor de unión que supón a cultura como elemento de cohesión social, esta organización promove iniciativas que protexen e difunden todo o patrimonio cultural dos seus países membros.
O selo mostra unha ilustración de Europa sobre un fondo azul e o logotipo que conmemora os corenta anos de España no Consello de Europa.