Actividad Antártica Española. B.A.E.Gabriel de Castilla

ACTIVIDADE ANTÁRTICA ESPAÑOLA. B.A.E. GABRIEL DE CASTILLA

A máis de 12.000 quilómetros de distancia de España, encóntrase un dos tres volcáns da Antártida que forma a illa, cuxo nome en inglés, Deception Island, traducido incorrectamente ao español como ‘Isla Decepción’, realmente significa ‘Illa Engano’. Alí, en 1989, instalouse na illa o refuxio militar Gabriel de Castilla, xestionado pola División de Operacións do Estado Maior do Exército de Terra, que, á súa vez, está coordinada polo Comité Polar Español.
O seu nome débese a Gabriel de Castilla, navegante e explorador español ao que se lle atribúe o descubrimento da Antártida a principios do século XVII.
Correos tivo presente dende hai anos as misións antárticas levadas a cabo por persoas ou entidades españolas.
En 1991 emitiuse un selo sobre o Tratado Antártico-Buque “Las Palmas” e, en 1998, outro cuxa protagonista é a Base Antártica Española Juan Carlos I. En 2011 Correos dedicou un selo, dentro da serie Biodiversidade e Oceanografía, ao buque de investigación oceanográfica Hespérides e, en 2014, presentouse un cuño de primeiro día coa imaxe deste, único buque español deseñado para efectuar investigación científica multidisciplinar nos mares e océanos do planeta, nas zonas árticas e antárticas, durante os veráns boreais e austrais respectivamente.
Dende o 2014, funciona na Base Antártica Gabriel de Castilla un cuño postal especial. Anteriormente, cada ano se creaba un cuño conmemorativo que se usaba mentres que a expedición estaba na base, e era o comandante médico da expedición o encargado de cuñar as peticións que lle chegaban; este destruíase unha vez que chegaba a España. O selo que se emite reúne unha imaxe da marabillosa paisaxe antártica coa base española de fondo. Nun primeiro plano, aparece un pingüín, que forma parte do emblema da base.
O selo, de tarifa C, presenta un sistema de impresión en termografía, cuxa tinta é iridescente e provoca unha sensación de filamentos de xeo en todo o perímetro do selo.