Data de emisión: 15 setembro 2017
EFEMÉRIDES. CENTENARIO NACEMENTO CELA.
No 2016, Camilo José Cela tería cumprido 100 anos. Por este motivo Correos emite un novo selo, dedicado a este home de letras que tanto achegou á Literatura Universal.
O 11 de maio de 1916 nacía en Iria Flavia, provincia de A Coruña, o primeiro fillo do matrimonio Cela Trulock que foi bautizado cos nomes de Camilo José Manuel Juan Ramón Francisco de Jerónimo.
Trasladouse coa súa familia a Madrid e ao ser internado nun sanatorio por unha tuberculose, dedicou o seu tempo a ler a obra completa de Ortega y Gasset e a colección completa de clásicos españois de Rivadeneyra.
Comezou os estudos de Medicina, e, aínda que o mundo perdeu probablemente un gran médico, gañou un xenio das letras. Ingresou na Facultade de Filosofía e Letras e coñeceu outros escritores como Pedro Salinas, Alonso Zamora Vicente, Miguel Hernández, María Zambrano ou Max Aub entre outros.
Comezou a súa produción literaria e deixounos grandes obras como Pisando la dudosa luz del día, La familia de Pascual Duarte, Viaje a la Alcarria ou a inesquecible La Colmena, que debido á censura no noso país, foi publicada primeiro en Arxentina.
Pero Camilo José Cela non foi só escritor, como conta o seu fillo, tamén foi toureiro, actor, artista, bibliófilo, editor e mesmo carteiro honorario.
Este último título honorífico foille concedido por Correos no ano 1982, sumándose a este exclusivo “club” que comparte con outras cinco personalidades: Mariano Pardo de Figueroa, máis coñecido como Doutor Thebussem, Rafael Álvarez Sereix, Ramón Carande, Antonio Mingote e a raíña Sofía.
Camilo José Cela obtivo grandes logros e recoñecemento, obtendo os premios máis importantes que se conceden neste ámbito. No ano 1987 logrou o premio Príncipe de Asturias das Letras. Dous anos despois, recibiu o Premio Nobel de Literatura, e, tras o Premio Planeta en 1994, foille outorgado o Premio Cervantes un ano despois.
O selo que se emite, recolle unha calcografía co rostro do escritor. Inclúe a súa sinatura e algunhas das anotacións manuscritas, que adoitaba facer para as súas novelas.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.