Data de emisión: 09 novembro 2017
SEPI
A Sociedade Estatal de Participacións Industriais creouse en 1995 para xestionar as participacións industriais de titularidade pública procedentes do Instituto Nacional de Industria (INI), creada en 1941 como un soporte institucional para promover o desenvolvemento da industria en España e do Instituto Nacional de Hidrocarburos. Máis tarde, foron transferidas outras participacións procedentes doutros departamentos da administración de diferentes sectores, como é o caso do Grupo Correos en materia de Comunicación, ou do Grupo TRAGSA dentro do sector da alimentación e do Medio Ambiente, ao que tamén este ano se lle dedicou un selo polo seu 40 aniversario.
Entre os principais obxectivos da Sociedade Estatal de Participacións Industriais, está definir e aprobar as estratexias e o establecemento das actuacións relevantes de todas as empresas do grupo. Tamén, o deseño de plans de futuro, buscando sempre melloras operativas, financeiras ou organizativas, entre outras. Controlar a eficacia das súas empresas é outra das súas máximas máis importantes.
SEPI establece cinco puntos relevantes: xestión responsable, desenvolvemento empresarial, impulso I+D+I, medio ambiente e responsabilidade social.
Sobre o primeiro, desenvolve unha xestión social e económica responsable; tamén, en canto ao desenvolvemento empresarial, realiza un intenso labor de promoción e desenvolvemento empresarial; SEPI fomenta a investigación, o desenvolvemento e a innovación ao servizo das súas empresas; mantén o compromiso do desenvolvemento sustentable, que supón unha gran prioridade para as empresas do grupo e, en canto á responsabilidade social, mantén un férreo compromiso coa sociedade a través de valores como o rigor, a austeridade, a profesionalidade ou a transparencia.
O selo que se emite está protagonizado por unha imaxe do edificio da rúa Velázquez de Madrid onde ten a súa sede SEPI. A imaxe mostra o logotipo da organización. Este selo pasa a formar parte deste mundo que é a Filatelia e que pretende reunir e dar a coñecer os aspectos máis importantes dun país, neste caso España e as súas institucións.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.