Data de emisión: 16 xaneiro 2017
EFEMÉRIDES. V CENTENARIO REGRAS DE ORTOGRAFÍA ESPAÑOLA
En 1517, despois de Introductiones latinae (1481), Lexicon latino-castellanum et castellano-latinum (1492) e a súa famosa Gramática castellana (1492), Antonio de Nebrija publica as súas Reglas de orthographia española. Desa obra cúmprese este ano o seu quinto aniversario.
Con este motivo, Correos emite un selo dentro da súa serie Efemérides, para conmemorar a aparición desta obra que tanto tivo que ver na evolución do castelán.
Antonio de Nebrija foi un dos grandes humanistas do Renacemento. Naceu en Lebrija en 1444 e graduouse en Retórica e Gramática pola Universidade de Salamanca. Trasladouse a Bolonia onde estudou materias como teoloxía, latín, medicina, dereito ou matemáticas, entre outras.
Regresou a España coa intención de revolucionar o ensino do latín no noso país publicando Introductiones latinae, texto básico para os estudantes desta lingua ata o século XIX.
Tras marchar da Universidade de Salamanca por desavinzas cos seus compañeiros que non lle permitiron tomar a cátedra de Gramática, ingresou na Universidade de Alcalá de Henares. Publicou a súa Gramática de la lengua castellana e os seus dous dicionarios de latín e castelán.
A súa gramática adiantouse a todos os estudos posteriores sobre a materia: foi o primeiro gramático en considerar a lingua romance digna de ser estudada.
Despois da súa famosa obra, chegou en 1571 a Reglas de orthographia española.
Nebrija morreu en Alcalá de Henares o 5 de xullo de 1522.
O selo que se emite recolle a imaxe do rostro da escultura de Nebrija, que está situada na fachada principal da Biblioteca Nacional de Madrid, inserida no V, número romano que representa o centenario que se conmemora. No fondo do selo aparecen distintas letras superpostas que recordan a arte que este ilustre home levou ao máis alto.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.