Data de emisión: 10 maio 2017
PATRIMONIO MUNDIAL. MONUMENTOS DE OVIEDO E DO REINO DE ASTURIAS
Correos emite unha nova folla bloque da serie Patrimonio Mundial, este ano dedicada a monumentos de Oviedo e reino de Asturias.
En 1985, a Unesco decidiu incluír como Patrimonio da Humanidade a Santa María del Naranco, San Miguel de Lillo e Santa Cristina de Lena. Trece anos máis tarde, en 1998, ampliouse a inscrición a San Julián de los Prados, Cámara Santa de Oviedo e Foncalada.
As razóns achegadas versaban sobre as disputas entre árabes e cristiáns. Como núcleo cristián en resistencia fronte aos árabes, creou unha arquitectura especial, afastada doutros estilos que se deron no medievo español.
Os principais monumentos de Oviedo e do reino de Asturias comezaron a construírse a principios do século VIII e durante todo o século IX. Nos primeiros momentos de consolidación do reino ástur, a capital trasládase de Cangas de Onís a Oviedo e con ela aséntase a monarquía asturiana.
A localización destes monumentos é fundamentalmente o campo e os arredores de Oviedo, aínda que tres deles se encontran no interior da cidade. A súa característica fundamental é que este estilo artístico se encontra ligado á paisaxe que o rodea, polo que forman con el unha unidade estética.
A folla bloque pregable presenta, entre os seus arcos acuñados, unha imaxe da verde paisaxe asturiana, cun lago rodeado de montañas e vexetación, coroada cun ceo azul intenso adornado de nubes brancas.
O selo que se emite ten forma redonda e representa o anverso da moeda de dous euros que se pon en circulación este ano. A imaxe que recolle a moeda é a dun dos edificios máis emblemáticos deste conxunto que forma parte da lista exclusiva de Patrimonio da Humanidade, o pazo de Santa María del Naranco, situado a catro quilómetros de Oviedo, sobre a aba sur do monte Naranco. Orixinalmente non se proxectou como igrexa, senón que foi a aula rexia do conxunto palaciano que o rei Ramiro I mandou construír nos arredores da capital do reino de Asturias.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.