Data de emisión: 18 outubro 2017
A TUNA.
Este novo Prego Premium dedicado á Tuna está protagonizado por elementos tan característicos como a bandurra ou a pandeireta, os libros que representan o carácter estudantil destas agrupacións ou a bolsa que adoita acompañar a indumentaria dos tunos, neste caso, a que representa Tuna España, coas cores da bandeira española.
Tuna España recibiu a concesión de “Marca España”, por ser considerada unha institución de interese para a promoción do noso país, tanto dentro como fóra das súas fronteiras.
O fondo do Prego Premium está composto por unha partitura musical.
A Tuna nace dentro da universidade e pode ter as súas orixes nos xograres ou trobadores que cantaban para gañar a vida. Tamén nos goliardos, estudantes que compoñían e interpretaban cancións cuxa temática non era ben vista pola sociedade da época. Cantaban ás festas, ao viño ou ao amor profano.
Ese carácter viaxeiro e cun toque picaresco é o que confluíu e conflúe hoxe nestas agrupacións estudantís que, ademais de animar as festas e roldar as rapazas, conservan tradicións como o uso de instrumentos españois populares, como as bandurras, laúdes ou guitarras, que xa nomeaba o Arcipreste de Hita no Libro do Bo Amor.
Moitas universidades, escolas ou facultades teñen a honra de contar cunha Tuna que leva o seu nome por todo o mundo.
Cancións por todos coñecidas como Clavelitos, Noche de Ronda ou Adelita perduran no imaxinario popular.
O selo que protagoniza esta emisión mostra a figura sombreada dun tuno, coa bolsa de Tuna España, que toca unha guitarra adornada coas típicas fitas de cores que adoitan levar para ofrecer como regalo, a xeito de recordo aos que son roldados.
Xunto co nome de Tuna España, aparece tamén o “ñ”, símbolo da Marca España.
Carmen Álvarez Casanova
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.