Data de emisión: 14 xuño 2017
VALORES CÍVICOS. DÍA NACIONAL DAS LINGUAS DE SIGNOS ESPAÑOLAS
Os Valores Cívicos son fundamentais para a convivencia nunha sociedade: son unha serie de principios que todo cidadán debe cumprir, respectar e compartir.
Correos leva anos dedicando selos a valores como a solidariedade, a diversidade ou a creatividade, reflectidos nestas emisións.
Nesta ocasión, o protagonista é o Día Nacional das Linguas de Signos españolas.
Para iso, emítese un Prego Premium formado por 20 selos. O Prego Premium recolle unha serie de palabras escritas en lingua de signos: “compartir”, “dereito”, “participar”, “signar”, “comunicar” e “igualdade”.
O selo mostra unha imaxe coa palabra “grazas” signada.
O 14 de xuño de 1936 constituíase a CNSE, Confederación Estatal de Persoas Xordas, co obxectivo de fomentar iniciativas orientadas a loitar polos dereitos das persoas que fan uso da lingua de signos española e, tamén, a catalá.
Moitos anos despois, por fin, conseguiuse que ese mesmo día sexa declarado Día Nacional das Linguas de Signos Españolas, o que permite dar un paso máis na súa normalización, promoción e protección.
Canto máis se coñezan estas linguas, maior será o coñecemento sobre as persoas xordas e xordocegas, e poder así chamar a atención da sociedade sobre ese colectivo.
As linguas de signos son unha resposta creativa das persoas xordas a esa limitación sensorial. Teñen un carácter visual, espacial, xestual e manual. Responden ao patrón característico da linguaxe humana cunha gramática visual propia.
Existen distintas linguas de signos no mundo, mesmo países que comparten a mesma linguaxe falada posúen distintas linguas signadas.
Na actualidade, conviven en España a lingua de signos española e a catalá, e pasaron de ser usadas no ámbito puramente doméstico a unha situación como a actual, na que se usa en todos os ámbitos e contextos sociais.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.