Data de emisión: 02 xaneiro 2018
12 MESES, 12 SELOS. CUENCA
Cuenca é a provincia elixida para continuar coa serie 12 meses, 12 selos, 12 provincias que Correos iniciou o ano pasado. Durante este mes, este selo será utilizado como único tipo de franqueo para todos os envíos que se admitan nas oficinas da devandita provincia. Está representado polas letras CU, en alusión ás antigas matrículas de vehículos de España. Cuenca esconde tantos tesouros que é imposible resumilos nun só selo. Cuenca é historia, arte, cultura, natureza e vida. Cuenca é outono e primavera, é o seu aire limpo pulmón da Mancha. Algúns dos seus elementos máis significativos recóllense neste selo.
Casas colgadas. Sobre a foz do río Huécar, nunha das súas cornixas, asómanse as tamén chamadas Casas do Rei. Estas curiosas construcións son todo un atractivo que pasou a formar parte do imaxinario conquense.
Resoli. Este licor de café cun toque cítrico, grazas ás codias de laranxa e limón, anís seco, azucre, cravo e auga, adóitase presentar nunha botella que representa unha das Casas Colgadas.
Zarajos. Aperitivo tradicional preparado a base de intestinos de cordeiro de leite mariñados e enrolados nunha vide que se douran de diferentes maneiras.
Ajoarriero. A pasta típica da zona a base de patacas, allo, ovo e aceite machucado nun morteiro que se degusta tal cal ou untada nun bo pan.
Cervo. Nobre animal de porte maxestoso que pode verse aínda no parque do Hosquillo e na Reserva de Caza “Serra de Cuenca”.
Piña. A abundancia de piñeiros na zona da Baixa Serra, fai que este froito sexa moi abundante.
Escalador. Cuenca é unha provincia de referencia para practicar a escalada polos seus escarpados penedos e impresionantes paredes.
Cidade encantada. Unha das zonas naturais máis espectaculares do noso país, onde coñecer e aprender o proceso xeolóxico do karst e admirar as súas caprichosas formacións. Declarada Sitio Natural de Interese Nacional.
Semana Santa. A Semana Santa de Cuenca é por todos coñecida e admirada, e por iso foi declarada de Interese Turístico Internacional. Esta tradición ten un profundo arraigamento entre os conquenses pola súa gran beleza e o seu fervor.
A cor vermella da franxa inferior fai alusión a bandeira da provincia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.