Data de emisión: 02 abril 2018
12 MESES, 12 SELOS. LEÓN
Este mes será León a protagonista da serie filatélica, 12 meses, 12 selos, 12 provincias. Durante este tempo, este selo será o único tipo de franqueo para todos os envíos realizados dende as oficinas da provincia. León nevada, León de pedra, León na mesa. León son moitas cousas e algunhas delas recóllense dentro das letras LE, en clara alusión ás antigas letras das matrículas antigas dos vehículos en España.
Maragatos. Poboación emprendedora e viaxeira cunha vestidura típica que comercializa sobre todo produtos artesanais.
Médulas. As tamén coñecidas como “montañas do ouro romano” conforman unha fermosa paisaxe formada a raíz das explotacións auríferas daquela época. Foron declaradas Patrimonio Mundial pola UNESCO.
Catedral. A inmensidade da Pulchra leonina é un dos moitos atractivos da capital. De estilo gótico, ten claros aires afrancesados.
Real Colexiata Basílica de San Isidoro. O seu Panteón Real é unha peza única do mundo románico da época. Está datada entre os séculos XI e XII.
Pazo Episcopal de Astorga. Obra do arquitecto Gaudí, actualmente alberga a sede do Museo dos Camiños. Construíuse en granito gris, para diferenciala da Catedral.
León. Símbolo da cidade. De cor púrpura é o protagonista do brasón histórico. Apareceu por primeira vez nas moedas acuñadas por Alfonso VII.
Cocido Maragato. Receita típica da zona que ten a súa orixe nas necesidades dos traballadores do campo. Este prato típico de tres xiros (carne, verdura e sopa) quentaba e daba enerxía tras os duros labores.
Nicanores de Boñar. A base de follado, teñen a súa orixe na localidade de Boñar.
Picapeixe. De voo rapidísimo e pequeno tamaño, esta ave caracterízase por ter unha das plumaxes máis vistosas da nosa fauna.
Castiñeiro. Toda a zona de El Bierzo está repleta de exemplares milenarios que trouxeron no seu día os romanos para alimentar ós traballadores das Médulas.
A franxa inferior do selo, de cor granate, fai alusión á bandeira da provincia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.