Data de emisión: 27 abril 2018
HUMOR GRÁFICO. 25 ANOS MOSTRA INTERNACIONAL DAS ARTES DO HUMOR
Hai cinco anos iniciouse esta serie dedicada ao Humor Gráfico. Nesta ocasión, é un acontecemento moi especial para o ámbito do Humor, como é a celebración da Vixésimo quinta edición da Mostra Internacional das Artes do Humor (MIAH), organizada polo Instituto Quevedos das Artes do Humor (IQH) da Fundación Xeral da Universidad de Alcalá.
Este ano, a folla bloque recolle un fragmento dunha obra de cada unha das edicións realizadas ata o momento. Trátase dunha obra colectiva que rodea ao selo e onde se recolle unha fantástica caricatura de Francisco de Quevedo e Villegas realizada de forma maxistral por Ricardo Martínez en marzo de 1997 para a portada do número 0 da Revista de Información de Humor Gráfico Quevedos.
Volvendo á folla bloque, os autores representados por orde de edición son: Ramón Gutiérrez; José M. Gallego e Julio Rey, Gallego y Rey; Antonio Fraguas, Forges; Miguel Ángel García Laparra, Maikel; José Antonio Ortiz Fuster, Ortifus, César Oroz; Armengol Tosá Badia, Ermengol; José Arles Herrera, Calarcá; Antonio Mingote; Joaquín Aldeguer; José María Fandiño; David Vela; Orcajo; Santiago Almarza; Jaume Capdevila, Kap; Enric Arenós, Quique; Diego Doblas; Antonio Postigo; Carlos Villafranca Ortiz, Tres; José Luis Martín Zabala; Enrique Pérez Penedo; Carlos Romeu; José Manuel Puebla; David García Vivancos, DGV, e Ricardo Martínez.
Pola súa banda, Ricardo Martínez Ortega, 1956 (Chile). Comezou a súa carreira profesional a final dos anos setenta, con creacións para publicacións e axencias de publicidade en Miami. Foi en Miami onde coñeceu a Ignacio Moreno, con quen creou Goomer en 1987. Personaxe que se publicou en El País e en El Mundo, como “Ricardo & Nacho”. En 1989, Ricardo incorpórase ao diario El Mundo, onde podemos seguir contemplando o seu traballo hoxe en día.
Ten obra en diversos museos, como o Museo Olímpico de Lausana, a Biblioteca Nacional de España e a Biblioteca de Bill Clinton. Entre os premios que recibiu destacan o 8 de Oro, o Premio Madrid Ton, o Premio Haxtur en Xixón e o Gat Perich.
Unha das últimas exposicións que realizou é De Políticos e Outros Animais, producida polo IQH, e da que formou parte a obra protagonista deste selo.
A MIAH é un conxunto de actividades sobre humor que se organiza de setembro a novembro de cada ano por parte do IQH, e na que se dan cita numerosos autores de diversa procedencia tanto nacional como internacional.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.