Data de emisión: 26 setembro 2018
EFEMÉRIDES. 40 ANIVERSARIO GRUPO ESPECIAL DE OPERACIÓNS
O Grupo Especial de Operacións é a unidade de elite do Corpo Nacional de Policía, que leva demostrando, durante 40 anos, a súa capacitación e posibilidades operativas.
O masacre acaecido durante a celebración en 1972 das olimpíadas en Múnic, nas que non había ningunha unidade especializada na resolución de incidentes, como o acontecido alí, deu pé á creación de numerosas unidades en Europa.
O primeiro curso de acceso a esta unidade foi convocado en 1977 seguindo o exemplo do grupo antiterrorista alemán GSG-9, co fin de loitar contra o terrorismo e os diversos grupos de delincuencia organizada da España dos anos 70.
Tres son os valores básicos que caracterizan a esta unidade recoñecida e eloxiada polas súas homónimas en todo o mundo. O primeiro baséase no potencial humano dos policías que a forman, que teñen como principal expoñente a especial preparación que reciben todos os seus integrantes para facer fronte e con éxito ás misións que lle son encomendadas.
O segundo vén configurado pola capacidade de resolución que ten o GEO para poñer fin a situacións especialmente críticas, nas que se teña que actuar utilizando, para iso, o potencial dos medios dos que dispón.
Pola súa banda, o terceiro ten como característica máis relevante a vitalidade da unidade para levar a cabo calquera misión.
Ao Grupo Especial de Operacións estanlle encomendadas as seguintes funcións:
- Liberación de persoas secuestradas ou tomadas como reféns.
- Detención de terroristas e outros delincuentes armados perigosos.
- Apertura e entrada nos lugares utilizados por terroristas e grupos de delincuencia organizada.
- Colaborar nos dispositivos de protección de altas personalidades en casos especiais co establecemento de dispositivos que cubran a visita ao noso país destas.
- Dar protección ás embaixadas de España no estranxeiro en caso de grave ameaza, coa constitución de células que reforcen a seguridade das delegacións diplomáticas españolas.
- Realizar servizos subacuáticos de carácter policial co despregamento dos seus mergulladores para participar en labores de busca e recuperación de cadáveres ou efectos utilizados na comisión dun feito delituoso.
- Levar a cabo calquera servizo que precise unha especial cualificación.
O seu recoñecemento levounos a ser todo un referente da súa especialidade, non só en España, senón mesmo alén das nosas fronteiras.
Os membros do GEO adoitan compartir xornadas de cooperación e prácticas con unidades que forman parte do grupo de traballo “Atlas”, o cal está integrado por 36 unidades antiterroristas de 30 países europeos.
Correos quixo sumarse á celebración desta efeméride emitindo un selo ao GEO cun deseño sinxelo, onde todo o protagonismo o ten un membro do GEO cos lentes de visión nocturna e o equipamento típico de acción. Todo iso enmarcado co emblema da Policía Nacional e as bandeiras de España e Unión Europea.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.