Data de emisión: 10 abril 2018
Foi no ano 1917 cando se inaugurou un pazo en Alcorcón, encargado polo coñecido como marqués de Valderas, ao arquitecto Luis Sainz de los Terreros.
Pouco despois, construíronse ao lado outros dous máis pequenos. Un deles dedicaríase a albergar a capela de uso particular, baixo a advocación de San Xosé, e o outro foi usado como residencia dos empregados do castelo.
Os edificios mesturan o estilo dos castelos franceses coas mansións de campo inglesas. Destacan, sobre todo, as súas torres grandes e ameas decorativas, así como a presenza de grandes ventás renacentistas, outras de estilo gótico e beirados de ascendencia mudéxar.
Na actualidade, os edificios do conxunto están protexidos pola Lei de Patrimonio Histórico da Comunidade de Madrid, ao ser edificacións señoriais e capela anteriores a 1936. En 2017, con motivo do centenario da súa inauguración e a petición do Concello de Alcorcón, iniciáronse os trámites para convertelo en Ben de Interese Patrimonial.
O selo que emite Correos dentro da serie Patrimonio Artístico pretende dar a coñecer esta xoia arquitectónica e palaciana, xa que quen a observa parece transportarse á ribeira do Loira ou á campiña inglesa.
O selo mostra unha bela imaxe do castelo, cunha das súas impresionantes torres en primeiro plano. O escudo da localidade e unha banda coas súas cores recorda o centenario recentemente celebrado.
O ‘ñ’ que representa a marca España acompañará este selo na súa viaxe por todo o mundo.
En 1988, o VI marqués de Valderas doou os castelos ao Concello de Alcorcón e iniciouse un proxecto de reforma encargado aos arquitectos Enrique Fombella e Eduardo Paniagua en 1991. Nese proceso eliminouse a capela porque estaba nun estado ruinoso.
Actualmente, acolle o Museo de Arte de Vidro de Alcorcón (MAVA), que expón obras realizadas en vidro dentro do panorama da Arte Contemporánea española.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.