Ciencia. Investigación Biomédica en España

INVESTIGACIÓN BIOMÉDICA EN ESPAÑA

Tendo en conta que fai uns 30 ou 40 anos, a investigación biomédica en España era case unha anécdota, pódese dicir que, hoxe en día, o noso país ocupa un lugar destacable neste campo.

O número de sociedades médicas creceu e foi adquirindo unha maior importancia no noso país, sobre todo, debido á alta calidade profesional dos seus membros.

O fin último da investigación biomédica é salvar vidas. É importante que o coñecemento xerado a partir da investigación en saúde se aplique ao tratamento e prevención de enfermidades e tamén, a mellorar a saúde e a calidade de vida da poboación.

A ciencia, a investigación e a tecnoloxía, son as vías fundamentais para o progreso e, sen progreso, non hai benestar.

Aínda que en España hai numerosas vías de investigación, son catro as que máis viviron avances realmente significativos. Falamos da xenética, a oncoloxía, as neurociencias e a inmunoloxía.

Grazas a estes profesionais que dedican a súa vida a tratar de salvar a dos demais, loitan pola esperanza dun futuro mellor, cunha poboación máis saudable, avánzase ao que se coñece como medicina personalizada, é dicir, tratamentos específicos para cada paciente, que conseguiría maiores resultados.

Correos dedica un selo á Investigación Biomédica, como recoñecemento a este traballo cuxos destinatarios somos todos, as persoas enfermas pero tamén as sans que grazas ás súas investigacións poderemos previr multitude de enfermidades.

O selo recolle tres imaxes moi significativas, que resumen o que supón a investigación biomédica en xeral: unha bata médica cun fonendoscopio representando ao médico que nos cura e nos coida, unha investigadora facendo o seu traballo e un neno, que simboliza a saúde e o futuro da humanidade.

Uns botes de cristal acompañan esta composición como metáfora dos resultados desas investigacións.