Data de emisión: 10 outubro 2018
CINE. HARRY POTTER.
De novo unha das sagas con máis seguidores da historia do cine é protagonista dun selo que se emite na serie que Correos dedica ao Cine.
A nova folla bloque que se presenta nun formato tríptico, por primeira vez, ten como protagonista principal a Harry Potter.
A serie cinematográfica de Harry Potter comprende oito películas baseadas en Harry Potter, unha célebre serie de sete novelas xuvenís escritas pola británica J. K. Rowling e protagonizadas polo mago ficticio do mesmo nome. Trátase de películas de cine fantástico, todas baseadas nas novelas da saga e todas estreadas entre 2001 e 2011. Realizouse unha película por cada libro da saga a excepción do último libro, cuxa adaptación cinematográfica ocupou dúas películas distintas. As longametraxes foron producidas polo estudio estadounidense Warner Bros.
A saga de Harry Potter describe as aventuras do novo mago Harry Potter nos anos que pasa no colexio Hogwarts de Maxia e Feitizaría que xunto aos seus amigos Hermione Granger e Ron Weasley se terán que enfrontar a un mago que intenta dominar o mundo máxico, Lord Voldemort, quen asasinou os seus pais.
Na folla bloque aparecen todos os elementos principais de Harry Potter, como son os seus inseparables amigos, Ron e Hermione xunto ao castelo do colexio Hogwarts de Maxia e Feitizaría. Seguindo coa innovación, incorpora tamén cold foil tanto no feixe de luz da variña, así como nas letras Harry Potter como homenaxe á maxia que envolve toda a saga.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.