Data de emisión: 10 xaneiro 2018
Ver tamén “Sobre de Primeiro Día” - “Cuño”
No ano 1991 asinouse en Madrid o Protocolo do Tratado Antártico sobre Protección do Medio Ambiente. Este tratado nace para reforzar o Sistema do Tratado Antártico e pola necesidade de incrementar a protección do medio ambiente ao outro lado do mundo.
Nese pacto, establécese que a Antártida sexa considerada como reserva natural “consagrada á paz e a ciencia”. Sete anos máis tarde, o 14 de xaneiro de 1998, entraría en vigor para os 28 países que o asinaran e, ao longo dos anos, ata 2015, foi ratificado por nove países máis.
O seu fin principal é protexer esta parte do mundo sobre todas as cousas, polo seu valor medioambiental e, tamén, o seu valor como zona para realizar investigacións científicas e así entender mellor o medio ambiente global.
Establece o xeito no que todos os Estados membros deben velar pola seguridade da zona e como deben responder ante catástrofes ou en casos de emerxencia. Tamén deben controlar o turismo para que non resulte prexudicial para o medio tan especial do continente antártico.
O selo que se emite conmemora a entrada en vigor do tamén coñecido como Protocolo de Madrid. Un fondo azul representa os océanos que rodean o continente. No centro, a imaxe da Antártida está rodeada por unha composición de todas as bandeiras dos países que participan deste tratado. Da silueta do continente saen uns raios que recordan o emblema adoptado polo Tratado Antártico no ano 2002. A bandeira española aparece nunha esquina do selo, así como as datas 1998-2018.
Este tratado é moi importante por todo o que significa. Grazas a esa protección, son moitas as investigacións que se levan a cabo nunhas condicións extremas, pero á vez especiais e fundamentais para conseguir grandes resultados. España dispón de dúas bases permanentes nesta remota zona do mundo, nas que se desenvolven numerosos proxectos. Referímonos á Base Antártica Juan Carlos I e á Base Antártica Gabriel de Castilla.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.