Europa. Puentes. Puente de la Maza. San Vicente de la Barquera

Un ano máis, as administracións e empresas postais europeas, membros de PostEurope, poñen en circulación a serie Europa, que se emite cun tema común. Este ano, as pontes serán as protagonistas desta emisión.

O selo que emite España está representado pola Ponte da Maza de San Vicente de la Barquera (Cantabria).

Esta ponte foi construída nos séculos XV e XVI. Está composta por 28 tramos con arcos de medio punto e tallamares redondeados. Na súa época, na que chegou a contar con 32 arcos, foi considerada como unha das obras de enxeñaría máis grandes e relevantes do reino. Cómpre salientar que anteriormente xa había outra plataforma no seu lugar, de madeira e edificada no século VI.

A súa construción supuxo un cambio radical nas comunicacións de toda a bisbarra, e cambiaron para sempre a morfoloxía urbana de San Vicente de la Barquera (Cantabria).

Tendo en conta os seus anos de historia, esta ponte tamén ten as súas propias lendas. Conta a tradición popular que se pides un desexo e cruzas a ponte aguantando a respiración, este se cumprirá, por iso se coñece tamén como a Ponte dos Desexos.

Esta ponte facilita as comunicacións da monumental vila de San Vicente de la Barquera, un dos municipios máis fermosos da costa cantábrica. As súas rías e as súas praias, todo enmarcado no Parque Natural de Oyambre, convértena nun destino moi apreciado na época estival.

Pero tamén as súas igrexas e monumentos, as súas festas e costumes, así como a súa espectacular gastronomía, danlle un valor incalculable.

O selo e o prego Premium, que emite Correos para a serie Europa, recolle unha imaxe panorámica da ponte, coa paisaxe verde tan típica das terras cántabras pintada . A silueta da ponte aparece troquelada e a súa imaxe pode verse reflectida no reflexo da ría.

O selo, ademais do nome desta obra arquitectónica, inclúe o logotipo da serie Europa e a xa recoñecida letra ‘ñ’, que representa a marca España.