Data de emisión: 12 xaneiro 2018
Ver tamén “Sobre de Primeiro Día” - “Cuño”
Como cada ano, o 17 de xaneiro moitos recantos de Mallorca se tinguen de vermello para celebrar Sant Antoni.
A música, as torradas, os pasacalles, os correfocs e as tradicionais beneïdes (bendicións) de animais son os actos principais que se poden encontrar en distintas vilas da illa. Son moitas as vilas que teñen a ben celebrar esta festa, pero destacan os festexos da localidade de Artà, polo seu carácter popular e tradicional.
A véspera de Sant Antoni, o 16 de xaneiro coa madrugada, a vila érguese co es Berenar: un almorzo tradicional a base de chocolate e ensaimadas na casa do Obrer Major. A continuación, empezan os pasacalles dos músicos acompañados dos típicos demos, que simbolizan a maldade e as tentacións do home.
Xa pola tarde, a vila prepárase para a lectura de fragmentos da vida de Santo Antonio e entóanse cánticos como Lo Elogi. Cando cae a noite, acéndense as cacharelas e, á calor das chamas e o cegamento do lume, a xente empeza a cantar las Gloses. Algún destes cantos mallorquinos tradicionais da noite de Sant Antoni teñen un marcado cariz erótico e acompáñanse das graves notas da zambomba.
O día grande, o 17 de xaneiro, celébranse a procesión e as tradicionais bendicións de animais. Despois da solemne misa, lese s'Argument: composición de carácter satírico que resume os acontecementos máis importantes do ano anterior.
O selo que se emite, e que deixará constancia para sempre desta tradición, recolle unha imaxe dos demos escoltando o santo, simbolizando así as numerosas tentacións ás que este anacoreta se viu sometido.
Esta emisión corresponde á serie “Festas Populares”, que pretende plasmar en selos tantas e tan espectaculares festas e tradicións que se celebran en todos os recantos do noso país.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.