Data de emisión: 11 outubro 2018
IGUALDADE DE XÉNERO NAS FFAA. 30 anos de incorporación da muller nas Forzas Armadas
Correos quixo sumarse á celebración dos trinta anos da incorporación da muller nas Forzas Armadas emitindo un selo no que se recolle a imaxe de tres mulleres, que representan, cada unha delas, a un exército en situacións de labores militares, todo baixo a bandeira de España. O selo preséntase en prego Premium, onde ademais destes elementos aparecen os emblemas dos tres exércitos e un fondo de indumentaria militar.
Un Real decreto lei do 23 de febreiro de 1988 permitía, por primeira vez, o acceso da muller ás Forzas Armadas do país. Isto posibilitou que 26 mulleres atravesasen por primeira vez as portas das academias militares do país en calidade de alumnas: 17 enfermeiras, cinco médicas, unha farmacéutica, unha enxeñeira, unha enxeñeira técnica e unha interventora.
Elas foron as grandes pioneiras e abriron o camiño cara á paulatina normalización da muller no Exército. Un camiño lento pero inexorable.
En febreiro de 1989, o Consello de Ministros decidiu abrirlles tamén o acceso ás academias xerais e a todos os corpos e escalas. Un pouco máis tarde se puideron incorporar tamén ás Forzas Armadas como soldados voluntarios.
A nova definición do modelo de soldado profesional de 1992 fixo que se producise a primeira convocatoria de tropa e mariñeiría á que podían acceder de forma igualitaria homes e mulleres, aínda que quedaban excluídas dos postos 'de primeira liña' vetando así, por exemplo, o seu acceso á Lexión, á Brigada Paracaidista e a outras unidades especiais.
Non sería ata 1999 cando Defensa decidiu apostar de forma definitiva polo modelo de Exército profesional, regulando o principio de igualdade real entre homes e mulleres.
Actualmente as mulleres están plenamente integradas nas Forzas Armadas, onde representan o 12,7% dos militares. Elas poden acceder en igualdade de condicións a todos os corpos e escalas militares, incluídos os denominados postos de combate.
Non obstante, o emprego máis alto ao que chegou unha militar ata a data é o de coronela, alcanzado por Patricia Ortega en 2016. Ningunha muller conseguiu ser xenerala nas Forzas Armadas, aínda que ese obxectivo está, cada vez, algo máis preto.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.