IV Centenario de la Plaza Mayor de Madrid

Ver tamén “Proba de artista IV Centenario Praza Maior”

''Carpeta Produto especial Feira Praza Maior''

A primeira pedra da praza Maior púxose o 2 de decembro de 1617 en extra muros, para acoller un mercado de abastos para a cidade de Madrid con motivo da chegada de Filipe III. Para Correos, a praza Maior de Madrid é un lugar moito máis especial se cadra. Dende 1927 aproximadamente, celébrase nela o mercado de filatelia coñecido como Mercado de Moedas e Selos, que cada domingo reúne coleccionistas da filatelia e a numismática.

Os selos e a praza Maior están unidos dende entón. Arredor da praza e nos propios soportais, ademais de bares e restaurantes, proliferaron os comercios de selos e moedas, e moitos deles permanecen hoxe en día.

Unha das mostras máis significativas desta relación é a celebración da Feira Nacional do Selo, que este ano celebrará tamén a súa 50 edición do 19 ao 22 de abril de 2018.

A praza Maior é un dos lugares máis emblemáticos de Madrid, visita obrigada dos turistas que chegan á cidade e escenario de moitos espectáculos e eventos importantes.

Tamén está dentro do imaxinario dos madrileños como ese lugar máxico que, cada ano, cando se achega o Nadal, se enche de luces e postos de adornos do Nadal.

Xa o dicía Alejandro Dumas, a praza Maior era o teatro coa bóveda máis bonita do mundo, o ceo de Madrid.

Con motivo do seu cuarto centenario, e por todas estas razóns e moitas máis, Correos emite unha folla bloque que recolle unha imaxe da fachada da praza, tamén a que alberga a Casa da Panadaría, e con reproducións de selos en cada unha das súas ventás.

O selo conmemorativo é unha calcografía que mostra a imaxe da estatua de Filipe III, que se encontra no centro da praza e que data de principios do século XVII, pero que leva custodiando a praza Maior de Madrid dende 1848, cando a raíña Isabel II ordenou o seu traslado dende a Casa de Campo.

O selo aparece xusto enriba do pedestal reproducido tamén na folla bloque.