12 meses, 12 sellos. Granada

12 MESES 12 SELOS. GRANADA

En vésperas dunha das festas con máis arraigamento popular de Granda, O día da Cruz (s. XVII), emítese un selo dedicado á provincia de Granada dentro da serie 12 meses 12 selos 12 provincias Granada.

Para ilustrar este selo partindo das letras GR e a cor verde na franxa inferior como a cor da provincia de Granada, incluíronse diferentes elementos para coñecer mellor unha provincia situada á beira do mar Mediterráneo e en plena cordilleira Penibética, sendo a súa capital a cidade de Granada. Na provincia pódense distinguir tres zonas ben diferenciadas: a costa, a veiga granadina e a zona das montañas. Cada unha delas posúe unhas características climáticas, orográficas, históricas e situacionais particulares que a distinguen das demais.

Acadando o ceo dende os escarpados cumes de Serra Nevada, Parque Nacional dende 1999 e representativo dos sistemas mediterráneos de montaña e alta montaña. Nesta serra localízanse os maiores picos da península ibérica: o Mulhacén (3.482 m) e o Veleta (3.392 m), este último aparece nevado no selo. Toda a zona de cumes amosa as pegadas da erosión glaciar, con vales en forma de U, circos coroados por cristas, e lagoas que ocupan as depresións.

A importancia da gastronomía témola nos produtos cultivados na súa costa tropical que pola súa situación mediterránea, a súa proximidade con África e a protección de Serra Nevada fan que teña un microclima subtropical ideal para o cultivo de froitas tropicais como o aguacate ou máis exóticas como a carambola que aparecen no selo.

Non podemos esquecer o froito da milgrandeira: a milgranda que aparece tanto no escudo da provincia como no da cidade. Se esquecernos do froito que aparece no seu escudo e no seu nome: a granada. Unha froita que en oriente é considerada como un símbolo do amor e a fecundidade e que as súas virtudes foron difundidas por poetas como García Lorca.

O monumento por excelencia de Granada: A Alhambra non podía faltar, dando forma ao G aparece un arco de estuco tan característico desta construción. A Alhambra, denominada así polos seus muros de cor avermellada («qa'lat al-Hamra'», Castelo Vermello), está situada no alto da colina de al-Sabika, no marxe esquerdo do río Darro, ao leste da cidade, fronte aos barrios do Albaicín e da Alcazaba.

A catedral de Guadix, denominada Santa Apostólica Igrexa Catedral da Encarnación de Guadix supón un compendio de historia, arte e tradición relixiosa. O seu título de apostólica venlle dada por estar considerada a diocese primeira de todo o territorio que hoxe conforma o noso país, España… Polo tanto, a historia da Catedral de Guadix remonta as súas orixes espirituais á aparición do Cristianismo na Hispania Romana. O principal atractivo da Catedral de Guadix é a súa riqueza arquitectónica, fundindo nun só conxunto, de forma harmoniosa, os tres estilos correspondentes a cada unha das épocas na que foi construída, dende o gótico ata o barroco.