Data de emisión: 13 xuño 2019
EFEMÉRIDES. 50º Aniversario da chegada do home á Lúa.
O 20 de xullo de 1969, dous norteamericanos, Neil Armstrong e Edwin Aldrin pisaron por primeira vez outro corpo celeste, a Lúa, “en nome de toda a Humanidade”, tal como dicía unha placa na nave Eagle (Aguia), na que aluaran. Aquela misión, bautizada Apolo XI, contou tamén cun terceiro home, Mike Collins, quen seguiu só na nave Columbia orbitando o noso satélite, á espera de recoller os seus compañeiros para volver xuntos á Terra. O éxito do perigoso periplo foi total, e así quedou para os anais da Historia.
En 1961, o Presidente Kennedy convenceu o Congreso para “...poñer un home na Lúa antes de que rematase a década”. A axencia nacional do espazo dos Estados Unidos (NASA), asumiu o desafío, recorrendo inmediatamente aos especialistas internacionais máis sobresaíntes en múltiples campos da ciencia, como demandaba unha fazaña daquela magnitude.
A complexidade dos voos do Programa Apolo, e a seguridade dos seus tripulantes, esixían unha comunicación instantánea entre as naves e os centros de control na Terra. Así entrou España pola porta grande a través do Instituto Nacional de Técnica Aeroespacial (INTA), que achegou as súas estacións de seguimento e control espacial de Fresnedillas e Robledo (Madrid), e Maspalomas (Gran Canaria). Os técnicos españois –cóbado con cóbado cos norteamericanos- vixiaron escrupulosamente as constantes vitais dos astronautas, e procesaron a avalancha de datos que foron chegando da Lúa á vez que lles transmitían unha infinidade de instrucións para asegurar a correcta navegación espacial, e sinalar o lugar e momento da aluaxe. Non sen razón, tal insubstituíble axuda foi chamada “O enlace vital”.
Chegado o momento álxido da primeira aluaxe, foi a estación de Fresnedillas (Madrid Apollo, no argot técnico da NASA), e os seus homes que tiveron a responsabilidade e a honra de axudar directamente ao descenso da nave Eagle e aos seus tripulantes Armstrong e Aldrin. As palabras de Armstrong: “O Eagle aterrou.” foron emocionada primicia en Fresnedillas antes de escoitarse en Houston.
Máis tarde, os trémulos pasos de Armstrong deixaron a súa pegada na superficie lunar, culminando a maior xesta colectiva xamais acometida polo ser humano, que España e un grupo de españois fixeran posible. Así o ratificou o propio Armstrong publicamente, ao asegurar que: Sen as vitais comunicacións mantidas entre o Apolo XI e a estación espacial Apolo Madrid en Fresnedillas, podemos afirmar que a nosa aterraxe na Lúa non tería sido posible.
A emisión preséntase como unha folla bloque en formato tríptico que observándoa pechada atopámonos con dúas seccións da Lúa e dunha antena que enmarcan o selo. No selo aparece unha ilustración en calcografía de Aldrin sobre a superficie lunar tendo de fondo a imaxe da Terra dende a Lúa. Os elementos que aparecen ao despregar a folla bloque son por un lado o módulo lunar Eagle pousado na Lúa e un posto de control de voo para homenaxear non só aos que estiveron en a Lúa senón a todas as persoas que fixeron posible esa proeza tamén dende a Terra, sen esquecernos de salientar a achega española. Todo o tríptico leva cold foil para dar unha aparencia de metalizado como os traxes e material usado nas expedicións espaciais. Ademais esta emisión inclúe Realidade Aumentada.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.