Data de emisión: 12 xullo 2019
EFEMÉRIDES. 130 ANOS DA UGT (1888-2018)
Ás dez e media do 12 de agosto de 1888, no Círculo Socialista situado na rúa Tallers de Barcelona, iniciábase o Primeiro Congreso Nacional Obreiro. Vinte e seis delegados que representaban 44 sociedades de oficios se reuniran alí cun obxectivo común: constituír a primeira organización nacional de sociedades obreiras para defender os seus intereses fronte á patronal.
Organizada a base de sindicatos de oficio a ámbito local e por federacións a ámbito nacional, aprobaron un programa de fixación de salarios mínimos e unha xornada de oito horas diarias.
Unha das figuras máis importantes daquel congreso foi Pablo Iglesias Posse, motivo principal do logotipo do 130 aniversario da fundación da Unión Xeral de Traballadores (UGT).
O feito de que o fundador do Partido Socialista Español estivese tamén relacionado na fundación da UGT fixo que ambas as dúas organizacións estivesen moi vinculadas. Dato significativo é que no Primeiro Congreso do Partido Socialista Obreiro Español se estableceu como requisito para a militancia pertencer ao sindicato creado días antes.
En 1890 tivo lugar o II Congreso de UGT e, por primeira vez en España, realizouse o 1º de Maio, o Día do Traballo e dos Traballadores, que actualmente se segue a celebrar cada mes de maio. A finais do século XIX, a UGT pasara a ter máis de 26.000 afiliados e, en 1910, o número alcanzaba os 43.000. Ese mesmo ano, Pablo Iglesias convértese no primeiro deputado obreiro de España.
Hoxe en día, a UGT é un dos dous sindicatos maioritarios, dentro dos máis representativos, e por iso é un interlocutor social. A Unión Xeral de Traballadores é unha organización progresista, comprometida, reivindicativa, democrática e independente con presenza en todos os sectores de actividade e en todo o territorio español.
O selo que conmemora os 130 anos dende a súa fundación recolle o logotipo deseñado para tan importante efeméride, co rostro do fundador Pablo Iglesias, ao igual que sucedeu co selo emitido por Correos en 1988 con motivo do primeiro centenario da organización.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.