Data de emisión: 26 xullo 2019
EFEMÉRIDES. 60 ANIVERSARIO DA DXT.
Dende 1959, a Dirección Xeral de Tráfico vela pola seguridade nas estradas e vías españolas.
Como indica o lema do seu 60 aniversario, “Avanzando con Seguridade”, durante estas seis décadas, a DXT foi adaptándose ás necesidades da circulación.
A finais do século XIX o nivel do tráfico en España, sobre todo nas grandes cidades, viviu un crecemento acelerado que creou a necesidade de controlar e regulamentar este novo fenómeno.
Por iso, en 1900 aprobouse o Regulamento para o Servizo de Coches Automóbiles polas Estradas do Estado. No ano 1935 levouse a cabo un dos maiores fitos da historia do tráfico no noso país, a creación do Código de Circulación que abranguería toda a regulación sobre a circulación de vehículos a motor e seguridade viaria ata a aprobación do Regulamento Xeral de Condutores en 2009.
Pero foi en 1959 cando se integraron nun só organismo todas as competencias relativas ao tráfico, e foi daquela que se creou a Xefatura Central de Tráfico, cuxa finalidade se basea sobre todo, no desenvolvemento de accións que se fundamentan principalmente en educar para mellorar o comportamento dos usuarios das vías de circulación, aumentando a fluidez nas estradas e sobre todo, dando prioridade absoluta á seguridade.
O selo co que Correos quere celebrar estes sesenta anos da DXT, amosa un fondo negro sobre o que se estenden varias liñas a modo de ronseis que simulan as estradas, que grazas ao verniz aplicado sobre o selo presentan tons fosforescentes.
O número 60 tamén está trazado con liñas representando estas vías por onde cada ano circulan máis de corenta millóns de vehículos.
A Dirección Xeral de Tráfico leva sesenta anos coidando dos españois, a través das súas normativas cuxa única fin é velar pola seguridade de todos os usuarios, tanto condutores como peóns.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.