Data de emisión: 05 maio 2019
EFEMÉRIDES. 70 ANIVERSARIO DO CONSELLO DE EUROPA.
En 1948 realizouse unha convocatoria non oficial, na cidade da Haia, por parte do Comité Internacional dos movementos pola unidade europea, composto por organizacións como a Liga Independente de Cooperación Europea, a Unión Europea de Federalistas ou o Movemento pola Unión Europea entre outros.
O obxectivo desta reunión foi o rexeitamento aos sentimentos nacionalistas e de odio, que tanto dano lle fixera á sociedade europea.
Reuníronse máis de mil delegados e tamén un gran número de observadores.
Dende o principio, os seus presidentes de honra e das comisións eran políticos de raza como Sir Winston Churchill, Paul Ramadier ou Salvador de Madariaga.
Os seus inicios supuxeron os alicerces da Unión Europea, coa creación do Consello de Europa ou do Tribunal Europeo de Dereitos Humanos.
O proceso de democratización que viviu Europa nas últimas décadas favoreceu a adhesión de case todos os países do vello continente. Son 47 os estados membros do Consello de Europa, sendo Bielorrusia o único estado europeo que non forma parte desta organización.
Estados Unidos, Xapón, México e a Santa Sé son estados observadores.
O Consello de Europa está organizado segundo os elementos clásicos doutras organizacións internacionais. Está dirixida polo Comité de Ministros, un órgano intergobernamental permanente; o Tribunal dos Dereitos Humanos rexido pola Convención Europea de Dereitos Humanos; a Asemblea Parlamentaria do Consello de Europa, formada por deputados e senadores dos 47 Estados membros; o Congreso de Poderes Locais e Rexionais que representa a nivel rexional o Consello de Europa; e a Conferencia de ONG, que coordina as achegas da sociedade civil.
O selo co que Correos celebra o 70 aniversario desta institución, amosa un detalle do edificio da Asemblea do Consello de Europa coa súa característica fileira de bandeiras dos países membros.
Completa o deseño o logotipo creado para a celebración desta importante efeméride.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.