Data de emisión: 09 setembro 2019
EFEMÉRIDES. CENTENARIO DO TRANSPORTE AÉREO EN ESPAÑA (1919-2019)
O un de setembro de 1919, minutos despois das oito da mañá, tres avións Breguet XIV despegaban do aeródromo de Montaudran destino a Barcelona. Dende alí, dous dos avións seguiron o percorrido ata Casablanca, facendo escala en Alacant e Málaga. Chegaron ao seu destino ás tres e media da tarde do día seguinte.
En cinco etapas, os aviadores cubriran 1.850 quilómetros en 11 horas e 45 minutos de voo.
O que daquela foi unha gran fazaña levouse a cabo pola decisión do enxeñeiro e fabricante de avións, Pierre Georges Latécoère. Con esta acción, púxose en marcha a primeira liña aérea comercial do noso país.
Tamén, este voo propiciou a posta en marcha e o desenvolvemento da liña aeropostal, ao comprobar os alí presentes que calquera envío podía chegar de Francia a Marrocos en menos de dous días cando, ata entón, se necesitaban polo menos once para cruzar a Península ibérica.
Aínda que cen anos parecen moitos, só un século abondou para que poidamos sucar o planeta dun extremo ao outro.
Tamén, o que naqueles primeiros anos eran voos reservados só para unhas poucas persoas privilexiadas, hoxe converteuse en millóns de voos e de pasaxeiros que cada día usan este medio de transporte.
Actualmente, o transporte aéreo supón un elemento imprescindible para o desenvolvemento da sociedade.
Mirando ao futuro, non é de estrañar que nas próximas décadas sexamos testemuñas de novos avances tecnolóxicos, como aeronaves unipersoais, transporte aéreo a domicilio ou outro tipo de avións colectivos máis eficientes.
O selo que conmemora este centenario recolle unha imaxe en branco e negro dun avión Douglas C-47-DL da compañía Iberia. Sobre el, o número cen en cores alegres, simbolizando o pasado e o presente da aviación.
O logotipo da celebración dos 100 anos do Trasporte Aéreo en España aparece na parte inferior do selo.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.