Data de emisión: 23 abril 2019
EUROPA
De novo as Administracións e empresas postais europeas membros de PostEurope poñen en circulación a serie Europa que se emite cun tema común: este ano serán as aves autóctonas.
España emite un Prego Premium con seis selos, que ten como protagonista o quebraosos.
O voo do quebraosos sobre os Pireneos impresiona a todo aquel que ten a oportunidade de divisalo.
Esta ave está adaptada a vivir nas duras condicións da alta montaña. En España, podemos encontralo na cordilleira pirenaica, dende Navarra ata Cataluña. De forma menos numerosa, pódense ver algúns exemplares sobrevoando as montañas vascas e cántabras.
A súa anatomía é inconfundible. É unha ave de gran tamaño que pode chegar a medir máis de 2,80 metros.
Normalmente non emite ningún son, é unha ave bastante silenciosa, pero, durante a época de celo, produce uns asubíos alongados e penetrantes.
O seu nome débese ao xeito que ten de alimentarse. Constitúe o último elo no aproveitamento das preas, xa que se nutre de ósos e tendóns que lanza dende certa altura contra as rochas para toralos. A zona onde realiza esta actividade denomínase “rompedoiro”.
O Prego Premium co que Correos participa desta emisión incorpora un cuño coa silueta do quebraosos en pleno voo e mostra ilustracións de Ricardo Martínez, que reproducen esta ave tan sorprendente.
Esta emisión ofrece unha característica especial e moi novidosa: unha aplicación que, unha vez descargada, permite escoitar o canto das diferentes aves autóctonas protagonistas desta emisión. No caso de España, poderase oír o son de pitos de quebraosos.
Esta serie ten como obxectivo promover e difundir, a través dos selos, os valores históricos e culturais dos pobos europeos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.