Gastronomía. Denominaciones de Origen Protegidas. Cantabria

GASTRONOMÍA: D. O. PROTEXIDAS DE CANTABRIA

Un dos valores principais que teñen os selos é o valor de difundir as bondades dun país.

A serie Gastronomía: Denominacións de Orixe Protexidas ten como obxectivo fundamental dar a coñecer aqueles produtos españois que posúen este distintivo.

Este ano, a emisión viaxa a Cantabria para poñer en alza dous dos seus produtos gastronómicos máis desexados e admirados: o mel de Liébana e o queixo Picón Bejes-Tresviso.

Este mel abrangue unha zona de protección moi ampla que inclúe todos os termos municipais da provincia de Liébana: Cabezón de Liébana, Camaleño, Cillorigo de Liébana, Pesaguero, Potes, Tresviso e Vega de Liébana. Hai dous tipos: mel monofloral de breixo e mel de melada.

A primeira, de cor ámbar con tons marróns e avermellados, aroma floral e unha intensidade media, presenta un gusto lixeiramente amargo con certas notas salgadas moi marcadas no padal. A segunda, de cor ámbar moi escura, un lixeiro sabor a madeira e cunha consistencia superior á anterior, pero igual de doce e saborosa.

O selo, enmarcado nunha folla bloque que nos transporta directamente a Cantabria e a súa paisaxe, mostra o brillo e a transparencia dourada do mel, que, polo efecto do verniz aplicado sobre o selo, o fai máis real aínda se cadra.

O selo que completa a folla bloque ten como protagonista o queixo Picón Bejes-Tresviso.

A zona de produción deste queixo comprende os termos municipais da bisbarra de Liébana e Concello de Peñarrubia.

Este queixo elabórase con leite enteiro cru de vaca, ovella ou cabra. Tamén, ás veces se mesturan dous tipos de leite, e mesmo, tres.

Na zona, predominan as covas naturais de pedra calcaria e é aí onde maduran os queixos un tempo mínimo de dous meses.

De cor branca con vetas de cor azul verdoso, o queixo Picón Bejes-Tresviso ten un sabor lixeiramente picante e unha consistencia untuosa e branda.