Personajes. Centenario Indira Gandhi

PERSONAXES. INDIRA GANDHI

En 1917 naceu unha das mulleres máis influentes da historia, Indira Gandhi.

Filla única de Jawaharlal Nehru, primeiro presidente da India independente, abriuse camiño na política durante os anos sesenta, converténdose despois na primeira muller en gobernar India.

Dende os seus comezos uniuse á loita pola independencia do seu país que dirixía Mohandas Gandhi, o Mahatma.

Indira Gandhi caracterizouse pola súa política progresista, provocando mesmo serias disputas no seo do seu propio partido e pola súa firme vontade de potenciar os vínculos entre os países non aliñados.

A súa actuación foi decisiva no conflito armado que enfrontou á India con Paquistán e facilitou, tamén a creación de Bangladesh.

Indira Gandhi era moi respectada en todo o mundo. Cría no socialismo e o secularismo e seguiu unha política de paz e amizade con todo o mundo. Amaba os pobres e esforzábase por mellorar a súa sorte. Quería liberar o mundo do odio e a violencia pensando sempre na irmandade mundial e a prosperidade da humanidade en xeral.

Levou ao seu país un progreso notable no campo da agricultura e preocupouse de xeito exponencial polo grave problema de alimentación que vivía a India.

En xuño de 1984, nun intento de rematar co terrorismo sij, ordenou o ataque a un templo sij no que morreron preto de 450 persoas. Poucos meses despois destes feitos foi asasinada por dous membros da súa garda persoal, de orixe sij e vinculados a un grupo terrorista da devandita etnia.

O selo que conmemora o centenario do seu nacemento, lévanos directamente á India cunha acuarela que recolle catro mulleres de costas vestidas con coloridos saris, vestimenta típica do país, que parecen observar a Indira Gandhi. Unha bela imaxe da política e activista india, que deixou frases célebres para a historia como “O perdón é unha virtude dos valentes” que son unha mostra máis do seu carácter, e o seu saber facer.