Personajes. Montserrat Caballé

PERSONAXES. MONTSERRAT CABALLÉ.

Unha voz cálida e potente que emocionou teatros de todo o mundo como o Metropolitan de Nova York, Alla Scala de Milán ou o Covent Garden.

A gran diva da ópera, Montserrat Caballé, naceu en Barcelona no ano 1933. Foi unha das primeiras voces do mundo pola súa calidade vocal e un perfecto dominio da técnica.

Especialista no bel canto, estudou no Liceo con Napoleone Annovazi, quen lle ensinou os segredos do canto.

O seu debut oficial tivo lugar en 1956 coa representación de A frauta máxica de Mozart.

Ese foi só o principio dunha vertixinosa carreira, que a levou a interpretar máis de cen obras dende o barroco ata o verismo.

Un dos momentos máis lembrados da súa carreira, foi cando actuou no Estadio de Montjuïc de Barcelona, con motivo da inauguración dos Xogos Olímpicos do ano 1992, onde compartiu escenario con Plácido Domingo, Alfredo Kraus e José Carreras.

Tamén, é inesquecible a súa colaboración xunto con outro mito da música, Freddie Mercury, con el interpretou a canción Barcelona, creada polo músico, quen quixo coñecer a artista e por este motivo viaxou a Barcelona en 1987. A Caballé gustoulle tanto que non dubidou en gravar con el o inesquecible tema, que anos despois converteríase no himno oficial dos Xogos Olímpicos de Barcelona, de 1992.

O Prego Premium dedicado a Montserrat Caballé, está enmarcado nun dos lugares máis importantes para a artista, o Liceu de Barcelona.

Nel actuou en moitísimas ocasións e pode dicirse que non se entende este teatro sen Caballé, nin Caballé sen este teatro.

No Prego Premium en formato díptico aparece, como tantas veces aconteceu, a imaxe da artista, desta vez, como motivo dun selo, sobre o escenario na sala inspirada no Teatro alla Scala de Milán. Ao despregalo atopámonos co resto dos selos do prego formando un C na honra do seu apelido, Caballé, no Salón dos Espellos do Liceu.

A emisión emítese en prego de 50 selos e en prego premium e 10 selos