Data de emisión: 25 setembro 2019
SELO SOLIDARIO. UE AXENDA 2030
O 25 de setembro de 2015, 193 países comprometéronse cos 17 Obxectivos de Desenvolvemento Sostible de Nacións Unidas e o seu cumprimento para o ano 2030.
Os obxectivos perseguen a igualdade entre as persoas, protexer o planeta e asegurar a prosperidade.
Estes son os 17 ODS: fin da pobreza, fame cero, saúde e benestar, educación e calidade, igualdade de xénero, auga limpa e saneamento, enerxía accesible e non contaminante, traballo decente e crecemento económico, industria, innovación e infraestrutura, redución das desigualdades, cidades e comunidades sostibles, produción e consumo responsables, acción polo clima, vida submarina, vida de ecosistemas terrestres, paz, xustiza e institucións sólidas, e alianzas para gañar obxectivos.
Correos, como vén acontecendo durante os últimos anos, emite unha serie denominada Selo Solidario, coa que colabora con distintas causas dándolles visibilidade e fomentando a súa difusión.
Este ano, quixo dedicar esta emisión á Axenda 2030 e faino cun Prego Premium que recolle o logotipo deste propósito e os 17 Obxectivos para cumprir.
O selo solidario, pola súa banda, mostra un detalle do globo terráqueo visto dende o espazo. O logotipo da Axenda 2030 aparece tamén no selo, que, ademais, engade unha viñeta na que sinala que Correos destinará o 3% do total recadado dos selos vendidos a este proxecto tan ambicioso pero á vez tan ilusionante.
A Axenda 2030 é un chamamento á acción global durante os próximos 11 anos. Os países que forman as Nacións Unidas comprométense a mobilizar os medios necesarios para a implantación dos Obxectivos, mediante alianzas centradas especialmente nas necesidades dos máis pobres e vulnerables.
Unha España que consiga eses obxectivos será ese país que todos soñamos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.