Series de televisión. The Simpsons (Los Simpson)

Series de televisión. Os Simpson

Os Simpson comezaron sendo un breve espazo dun par de minutos no programa televisivo "The Tracey Ullman Show" en 1987. Dous anos máis tarde converteríase nunha serie autónoma pero non sería ata 1990 cando comezaron as transmisións regulares.

Creada por Matt Groening, que quixo reflectir a típica familia estadounidense de clase media, á que mesmo deu os nomes da súa propia familia, cambiando unicamente o seu polo de Bart.

A serie pretende ser unha sátira á sociedade de Estados Unidos, amosando os tópicos máis coñecidos daquel país.

Springfield é a ficticia localidade onde vive a familia Simpson, un lugar onde pode acontecer calquera feito histórico, insólito pero sempre cheo de humor e de sarcasmo. O seu creador, Matt Groening elixiu o nome da cidade, baseándose en que é o topónimo máis repetido dos EE.UU.

En España, Os Simpson comezaron a emitirse regularmente a principios de 1991 en La 2 de TVE, un ano despois da súa estrea en Estados Unidos.

Os Simpson obtiveron numerosos premios dende a súa estrea como serie, incluíndo 33 premios Emmy, 30 premios Annie e un premio Peabody. A revista Estafe do 31 de decembro de 1999 cualificouna como a mellor serie do século XX, e no ano 2000 recibiu unha estrela no Paseo da Fama de Hollywood.

Por todo iso, Correos quere homenaxear esta serie cunha folla bloque que recolle no anverso, unha imaxe da famosa casa da familia Simpsons, aquela que aparecía na cabeceira da serie.

O interior da folla bloque reúne a toda a familia no sofá do salón, incluíndo a “Bola de neve”, o gato da familia, e a “Axudante de Santa Claus”, o can que rescataron do canódromo e que tantos episodios protagonizou.

O selo forma parte desta imaxe, substituíndo ao cadro do barquiño que decoraba a parede do salón, e que neste caso, representa un cadro coa imaxe de toda a familia Simpsons.

Completa a composición unha frase Homer Simpsons: “Remember, as far as anyone knows, we’re a nice, normal family”.