Data de emisión: 04 abril 2019
TRADICIÓNS E COSTUMES. SEMANA SANTA.
Correos realiza un novo percorrido por catro novas formas de celebrar a Semana Santa do noso país. Este mes de abril, moitos recantos de España volverán encherse de flores, trompetas e tambores e emanar ese olor que mestura a primavera co incenso, tan típico nesta celebración.
Cun carné con forma de tambor que se desprega, Correos emite catro novos selos que teñen como protagonistas a forma que teñen de celebrar a Semana Santa Albacete, Azuaga, Balmaseda e Medina de Rioseco.
Albacete: unha imaxe da Nosa Señora das Angustias é o motivo principal do selo que homenaxea a Semana Santa de Albacete. A Nai, con expresión dorida, sostén o corpo inerte de Cristo entre os seus brazos tras ser descendido da cruz. Dende o venres de Dores ata o Domingo de Resurrección, as rúas da cidade inúndanse de arte e tradición. Os caramelos tamén son protagonistas estes días, xa que, ademais de portar farois, cirios e outros aparellos, os nazarenos reparten estes doces durante as procesións.
Azuaga (Badaxoz): durante toda a semana de celebración, o fervor popular toma as rúas desta localidade estremeña. Un dos seus desfiles máis importantes é o que realiza o Cristo do Humilladoiro a noite do Xoves Santo, acompañado por moitos devotos que camiñan en silencio xunto á imaxe. É precisamente esta imaxe a que protagoniza o selo xunto co escudo da localidade.
Balmaseda (Biscaia): a Paixón Vivente de Balmaseda atrae cada ano centos de persoas que queren gozar da representación das últimas horas de Xesús. A Paixón lévase a cabo dende finais do século XIX e foi evolucionando ao longo dos anos con novos escenarios e personaxes que o fan aínda máis realista e emotivo. Os veciños de Balmaseda prepáranse concienciudamente para representar os seus papeis, algo que lles enche de orgullo. O selo recolle un momento da representación onde se ve Xesús, escoltado por un soldado, levando a cruz ás costas.
Medina de Rioseco (Valladolid): Valladolid é, entre moitas outras cousas, sinónimo de Semana Santa. Un exemplo diso é a localidade de Medina de Rioseco. Este antigo señorío dos almirantes de Castela vive durante a Semana Santa uns días de esplendor onde brilla con luz propia. Declarada Festa de Interese Turístico Internacional, a orixe desta celebración está na creación da confraría da Vera Cruz no século XVI. Unha profunda devoción, talles centenarios e un ambiente irrepetible, fan que a Semana Santa de Medina de Rioseco sexa única. O selo mostra un instante da procesión do Cristo da Paixón.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.