V Centenario de la Expedición Magallanes - Elcano

EMISIÓN CONXUNTA ESPAÑA-PORTUGAL. V CENTENARIO EXPEDICIÓN MAGALLANES-ELCANO

Como cada ano, España realiza unha emisión conxunta cunha Administración postal doutro país, nesta ocasión, con Portugal.

A emisión ten como protagonista o V Centenario da Expedición Magallanes-Elcano que, dalgún xeito, une os dous países.

A folla bloque emitida por Correos, con forma troquelada de globo terrestre imprimido en papel pergameo, recolle a silueta dun barco que representa as naves que iniciaron a aventura: Trinidad, San Antonio, Concepción, Santiago e Victoria, esta última, a única en completar o percorrido.

O deseño é case idéntico para ambos os dous países: sobre o barco, por un lado un retrato de Fernando de Magallanes, motivo do selo portugués, e por outro, unha imaxe de Juan Sebastián Elcano, motivo do selo español.

A fazaña, financiada integramente pola Coroa española e con saída e chegada en Sanlúcar de Barrameda, foi iniciada polo mariño portugués Fernando de Magallanes e finalizada polo español Juan Sebastián de Elcano, tras a morte do primeiro en Filipinas, concretamente na illa de Mactán, nun ataque por parte de guerreiros indíxenas da illa, que o identificaron como capitán e lanzaron as súas armas ata ferilo e deixalo inmobilizado. Unha vez caído, agredírono ata a morte.

Tras estes feitos, Elcano acabou poñéndose ao mando da Victoria dende agosto de 1521 ata setembro de 1522, cando chegou a Sanlúcar de Barrameda.

Moitos expertos matizaron que esta viaxe supuxo o inicio da globalización, pois foron varios os países que, dalgún xeito ou outro, foron protagonistas desta gran fazaña.

Esta emisión conxunta é unha demostración máis da unión entre España e Portugal, unindo forzas para presentar unha candidatura conxunta ante a UNESCO e declarar a primeira circunnavegación ao mundo como Patrimonio da Humanidade.

Tendo en conta que a conmemoración desta viaxe se estenderá ata o ano 2022, Correos emitirá un novo selo nesa data dedicado á fin desta expedición.