Data de emisión: 29 maio 2020
12 MESES 12 SELOS. Cidade Real
Natureza, gastronomía, arte e literatura forman parte dos atributos que atesoura a provincia de Cidade Real e que sintetizan o motivo do selo do mes de maio da serie “12 meses, 12 selos.”
A natureza, representada polo Parque Nacional das Táboas de Daimiel, último representante do ecosistema de táboas fluviais, constitúe na actualidade unha das brañas máis importantes de Europa.
Modelando as iniciais da provincia recoñecemos a gastronomía na forma de queixo manchego e a copa de viño, en representación das diversas denominacións de orixe que ostenta a provincia, como a D.O La Mancha, Valdepeñas, Pago Casa del Blanco, Dehesa del Carrizal ou Pago Florentino.
A cúpula que enaltece a torre da catedral de Santa María del Prado de Cidade Real e un muíño de vento de Campo de Criptana representan a arquitectura sacra e popular, características da provincia.
Edificada sobre unha ermida do século XIII, da que só se conserva a Porta do Perdón e un rosetón, a catedral de Cidade Real ostenta o título de priorado das ordes militares de Calatrava, Montesa, Alcántara e Santiago dende 1875 pola bula do papa Pío IX.
Os muíños de vento que adornan a paisaxe de Campo de Criptana constitúen unha das iconas de Castela-A Mancha en España e mesmo de España no mundo, grazas á xenial obra de Miguel de Cervantes que sitúa no lugar, o célebre lance de Don Quixote cos xigantes.
Xunto á segunda inicial, apréciase o famoso helmo de Don Quixote da Mancha, a bacía de barbeiro que o enxeñoso fidalgo creu ver nel, o fabuloso Helmo de Mambrino e que o propio Cervantes denominou, en boca de Sancho Panza, baciyelmo.
A faceta literaria da provincia supera a obra cervantina e adquire tinguiduras escénicas no municipio de Almagro, representado por unha da galerías acristaladas da súa praza maior. O seu curral de comedias do século XVII, o máis antigo de Europa, permanece activo catrocentos anos despois da súa inauguración.
A banda inferior encarnada reproduce a cor da bandeira da provincia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.