25 aniversario FACE

25 ANIVERSARIO FACE

A Enfermidade Celíaca é unha enfermidade multisistémica con base autoinmune provocada polo glute e prolaminas relacionadas, en individuos xeneticamente susceptibles.

Esta é a definición que nos dá a Federación de Asociacións de Celíacos de España dunha enfermidade que afecta en Europa un un por cento da poboación.

Esta federación creouse cun obxectivo principal: coordinar o esforzo e o labor das diferentes asociacións de afectados para defender así os seus dereitos e conseguir obxectivos comúns.

Cúmprense 25 anos dende a súa creación. 25 anos asesorando pacientes recentemente diagnosticados, guiándoos en canto á súa alimentación e tratamentos en caso de que sexa necesario, orientando sobre a lista da compra, que comer cando viaxan, mesmo como interpretar unha lista de ingredientes.

A FACE axuda de xeito activo a estes enfermos así como aos seus familiares e ámbito máis próximo. Ao longo do ano, realízanse talleres, cursos e demais actividades pedagóxicas para facer a enfermidade máis levadeira, como os talleres de cociña para nenos celíacos.

Os supermercados, ata fai relativamente pouco, non tiñan en conta as persoas que padecen a Enfermidade Celíaca. Hoxe en día, grazas a este tipo de iniciativas federativas, son máis os corredores destes establecementos dedicados aos produtos sen glute, pero é certo que a cesta da compra con estes produtos é moito máis cara que sen eles.

Correos queren dar visibilidade a este colectivo dedicando un selo a esta Federación de Asociacións de Celíacos de España polo seu 25 aniversario. Un selo no que se recolle unha ilustración que representa unha doutora parando coa súa man unha póla de trigo, cereal co que se adoita representar a presenza de glute.

O selo complétase co logotipo da Federación e está deseñado coas cores corporativas desta.