Data de emisión: 30 setembro 2020
CONXUNTOS URBANOS. Tarragona
Sobre os restos e vestixios do seu pasado de esplendor, emerxe o conxunto urbano de Tarragona. Fundada por Escipión para a República de Roma no século III a.C chegou a ser a capital da provincia de Hispania Citerior ou Tarraconensis, o que deixou para a posteridade importantes edificios e vestixios arqueolóxicos que fan da antiga Tarraco, un exemplo único entre as cidades do occidente romano, tanto pola cantidade coma pola calidade e estado de conservación dos seus edificios.
Un pasado que subxace no subsolo da cidade, pero que deixa tamén a súa pegada na actual distribución de rúas e prazas e nos vestixios que permanecen visibles ou que afloran por toda a cidade.
Os muros da catedral medieval, conservan aínda pegadas do recinto do culto imperial e o seu templo. Algunhas das rúas do centro histórico recordan o trazado e o espazo que ocupaba a gran praza pública do Foro Provincial. A actual praza da Font, rememora as carreiras de cuadrigas que se disputaban no Circo, cuxos espectadores, se situaban na bancada sostida polas potentes bóvedas que forman parte na actualidade de locais comerciais, restaurantes e vivendas anexas á praza. O anfiteatro, lugar de diversión e castigo, foi ao longo dos séculos, basílica visigoda, igrexa románica e mesmo prisión.
Por estes motivos, a UNESCO incluíu o Conxunto Arqueolóxico de Tarragona no ano 2000, na súa lista de Patrimonio Mundial da Humanidade, salientando nos seus criterios de elección, a importancia dos restos romanos no desenvolvemento da planificación e deseño urbanístico da cidade de Roma, que serviu de modelo para as capitais provinciais no resto do mundo e porque Tarraco, proporciona un testemuño elocuente e sen parangón dunha etapa significativa na historia da rexión do Mediterráneo na antigüidade.
Xunto aos vestixios xa mencionados, o Conxunto Arqueolóxico inclúe outros monumentos situados arredor de Tarragona como son, a Torre dos Escipiones, o acueduto de Les Ferreres, o Arco de Bará, a canteira romana de El Médol ou os museos das vilas romanas do Centcelles e de Els Munts.
A emisión especial deste selo emítese en formato de Folla Bloque, cuxa impresión se realizou en calcografía e Offset.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.