Data de emisión: 05 febreiro 2020
VI CONCURSO DISELLO 2019
Por sexto ano consecutivo Correos organizou durante o ano 2019 o Concurso Nacional de Deseño de Selos cunha ampla participación que chega ás 1.646 persoas. Nesta ocasión incrementouse a participación na categoría xeral (maiores de 18 anos) con 892 obras respecto á categoría xuvenil (entre 12 e 17 anos) con 754 deseños.
Ao igual que na convocatoria anterior a temática foi libre podendo os participantes deixar voar a súa imaxinación.
O deseño sempre é un reto á imaxinación, pero deseñar para un espazo tan pequeno e que condense toda a información que se queira contar (8 cm2) require un dobre esforzo que, á vista da calidade das obras presentadas, os participantes superaron notablemente amosando unha morea de historias diferentes.
Un xurado composto por personalidades do deseño e a ilustración elixiu 20 finalistas por categoría sumadas ás 20 seleccionadas por votación popular. Das 80 obras finalistas, 40 por categoría, o xurado decidiu os premiados do VI Concurso Nacional de Deseño de Selos 2019:
1º Premio categoría xeral, David Pavón Benitez
1º Premio categoría xuvenil, María Campo Barrio, alumna do colexio Niño Jesús Burgos (Burgos).
O selo gañador na categoría xeral, mostra unha ilustración titulada polo seu autor El pequeño Sobrecillo y su perro van a clase que a través dos seus trazos humanos podemos imaxinar un neno que, coa súa mochila, vai ao seu primeiro día de colexio. É un comezo dunha historia que deixa libre a súa continuación a todos aqueles que reciban unha carta co seu selo.
Na categoría xuvenil, a obra foi definida pola súa autora como: o meu debuxo é unha nena estirada sobre a herba relaxándose. É un debuxo pintado con rotulador e lapis de cor cun estilo orixinal e naif que nos traslada a infancia onde o importante é gozar de todos os momentos mesmo nos de non facer nada e só contemplar a natureza que nos rodea.
Os dous gañadores terán a satisfacción de poder ver o seu deseño en circulación, xa que Correos se encargará de producir e emitir no ano 2020 os selos cos deseños premiados. Ademais, coma no ano pasado, a aposta de Correos por fomentar e achegar o mundo do deseño no selo a un gran número de persoas, fai que o debuxo do primeiro premio da categoría xeral, ademais de ver o seu deseño nun selo emitido este 2020, terá a oportunidade de deseñar diferentes obxectos filatélicos durante o 2020 (selos, cuño, sobres de primeiro día...)
Poderemos gozar cunha exposición de todas as obras finalistas ademais das dúas gañadoras en València do 5 de febreiro ao 10 de marzo.
En breve comezará a VII convocatoria do Concurso Nacional de Deseño de Selos 2020 que terá como temática un selo polo clima dende Correos anímase a participar para difundir o valor do selo como medio de soporte de expresión artística, de contador de historias e transmisor de cultura, ademais por suposto, da súa función como elemento de franqueo.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.