Data de emisión: 30 xuño 2020
EFEMÉRIDES. Centenario correo aéreo español
Venres Santo de 1920, primeiro de abril. Catro avións correo saían e chegaban de xeito simultáneo a un aeródromo de Alacante. Formaban parte do acto de inauguración da primeira liña de correo aéreo de España. Unha liña que cubría a ruta Barcelona - Alacante - Málaga, aínda que tiña o seu punto de partida en Toulouse, onde se atopaba a sede da compañía aérea Latécoère que operaba o voo.
Dende había algúns anos, Latécoère, pretendía enlazar Francia coas súas colonias en África, logrando en setembro de 1919 enlazar Toulouse con Casablanca, con escalas en España. Ante estas circunstancias, o goberno español promulgou un Real Decreto o 17 de outubro de 1919 para establecer o servizo postal aéreo en España, dentro das coordenadas e directrices, que interesaba á nación, e contratando de xeito oficial con Latécoère o transporte por avión do correo dentro de España.
Esta resolución culminaba con toda unha serie de leis e comisións de traballo que previamente trataran de introducir o correo por avión no servizo postal de España con diversas medidas como a formación de pilotos dentro do corpo de oficiais de Correos, a creación dun negociado especial para os “servizos aéreos” ou o “Proxecto de bases para a implantación do Correo Aéreo en España”.
A inauguración da primeira liña aérea de correo español impulsou o desenvolvemento posterior do correo por avión en España, establecéndose ao longo dos anos novas liñas postais entre Sevilla e Larache, Málaga e Melilla, e Barcelona e Palma de Mallorca, esixíndose a partir de entón, por real decreto, que as compañías aéreas fosen españolas.
En 1921 inaugurouse o servizo postal aéreo entre Sevilla e Larache, capital do Protectorado Español de Marrocos, que realizará a empresa española CETA (Compañía Aérea de Tráfico Aéreo) fundada por Jorge Loring.
A emisión conmemorativa deste centenario realizouse coa forma dun cuño que simula un biplano que no seu voo vai deixando caer a correspondencia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.