Efemérides. 90 aniversario Colegio de Huérfanos de Hacienda

90 ANIVERSARIO DO COLEXIO DE ORFOS DE FACENDA

O Colexio de Orfos de Facenda é unha entidade sen ánimo de lucro, cuxa actuación esencial é a protección dos fillos dos seus socios, en caso de falecemento ou incapacidade permanente.

O obxectivo principal do Colexio de Orfos de Facenda é ofrecer protección e axuda aos fillos dos socios cando estes falecen ou precisan de apoio.

O Colexio para Orfos de funcionarios da Facenda Pública foi creado polo rei Alfonso XIII, por proposta de José Calvo Sotelo, Ministro de Facenda, por Real Decreto do 24 de maio de 1927, como entidade benéfica para, a protección dos orfos de funcionarios da Facenda Pública, proporcionándolles asistencia, instrución e educación, nos casos de falecemento ou incapacidade dos socios.

Actualmente, o Colexio está dirixido a ofrecer as axudas e servizos que permitan ao socio e ás súas familias unha mellora da súa calidade de vida, sen esquecer o obxectivo fundacional que segue estando vivo e que se materializa no pagamento de prestacións aos orfos dos socios.

Ademais, hoxe en día tamén conta cunha fundación tutelar que ofrece aos fillos dos socios en situación de vulnerabilidade, protección e garantía dos seus dereitos como persoas, así como axudas aos pais dos socios falecidos que necesiten unha especial atención.

A fundación ademais proporciona descontos aos seus socios en hoteis, balnearios, viaxes ou espectáculos, mesmo, en temas relacionados con mascotas.

Tamén, o Colexio de Orfos de Facenda organiza concursos de fotografía e relatos nos que se involucran tanto persoal coma familiares de Facenda.

O selo que conmemora o 90 de aniversario da fundación desta institución, recolle, ademais do seu logotipo, a ilustración dunha man adulta que se ofrece á imaxe da man dun neno como xesto de protección e seguridade.