Data de emisión: 21 setembro 2020
XERACIÓNS. DÉCADA DO 2010
E a serie Xeracións chega ata os nosos días cunha emisión dedicada á década que se desenvolve entre os anos 2010 e 2019.
Unha folla bloque que reúne tres novos selos, dedicados a tres dos acontecementos máis relevantes deste decenio e que foron elixidos polos subscritores de Filatelia entre outros tantos non menos importantes.
O primeiro dos selos recolle a imaxe do rei emérito, Juan Carlos I e do seu fillo o rei Felipe VI.
Este selo alude ao momento histórico vivido polos españois o 19 de xullo de 2014, cando Juan Carlos I abdicou en favor do seu fillo que se converteu no rei Felipe VI de España.
O segundo dos selos representa o maior triunfo da Selección Española de Fútbol: o Mundial de Sudáfrica. No ano 2010, concretamente o 11 de xullo e tras disputar un tenso partido fronte ao equipo de Países Baixos, España fíxose coa copa do Mundial, motivo deste selo.
Na prórroga, minuto 116 de xogo, Andrés Iniesta marcou o gol da vitoria que lle daría á Selección Española o primeiro mundial de fútbol da súa historia.
O terceiro e último dos selos que completan esta folla bloque, amosa unha imaxe da Catedral de Notre Dame de París, rodeada de lapas, imaxe que puidemos ver o 15 de abril de 2019. Este acontecemento quedou gravado nas nosas retinas. O mundo enteiro viu impotente, como un dos emblemas de Francia se derrubaba devorado polas lapas.
A folla bloque, que leva o 1 e o 0 troquelados, recolle tamén a imaxe dunha bandeira española que representa tanto a sucesión da Coroa de España como os éxitos da Selección Española de fútbol, á que vemos na parte inferior da folla xunto ao adestrador Vicente del Bosque.
A Torre Eiffel álzase enriba das lapas sobre a Catedral de Notre Dame, como testemuña dun momento que os franceses e o resto do mundo quixesen borrar.
Esta década, que tamén iniciou un novo século, deixounos momentos inesquecibles.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.