Data de emisión: 20 marzo 2020
LITERATURA. RAE. NOVAS PALABRAS 2019
Os novos tempos, a globalización ou os avances tecnolóxicos, traen novas palabras que os cidadáns usan cada vez con máis frecuencia.
Por iso, a Real Academia da Lingua Española, sente a obriga de recoller e adaptar estes vocábulos para normalizalos e aceptalos dentro do idioma español.
Cando unha palabra comeza a cobrar vida entre os falantes, os académicos comproban que realmente está asimilada no uso dos hispanos falantes de forma xeral.
Tras valorar, matizar e asegurarse de que non é unha palabra efémera, estes expertos deciden cales pasan a formar parte do catálogo de palabras oficiais do español.
Na última versión do Dicionario da Real Academia da Lingua, incorporáronse en total 1.100 novidades, sendo sen dúbida as máis rechamantes as novas acepcións de palabras xa existentes ou as emendas dalgunhas acepcións que co paso do tempo quedaron obsoletas ou adquiriron novos matices.
Os novos tempos tamén traen novas técnicas de impresión, como as deste selo dedicado ás novas palabras incorporadas pola RAE, que presenta tinta termo crómica. Esta tinta permite que ao fregar o selo descubramos algúns dos novos termos como “brunch”, “zasca” ou “rúter”.
O selo está deseñado simulando a cuberta do Dicionario da Real Academia, texto de referencia do español.
Os préstamos doutros idiomas, os novos verbos xurdidos de accións antes non catalogadas, as novas profesións ou os inventos dos últimos anos, non fan máis que enriquecer a nosa lingua, o español, que ten uns 559 millóns de falantes en todo o mundo, sendo México o país do mundo que contribúe en maior medida á fala do idioma español. En Estados Unidos, país onde o inglés é a lingua principal, son máis de 40 millóns os habitantes que teñen o español como lingua materna.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.