Data de emisión: 30 marzo 2020
OS CAMIÑOS DE SANTIAGO DO NORTE PENINSULAR
O Camiño de Santiago do Norte é unha das rutas históricas de todas as que forman parte desta peregrinación ancestral. Esta en concreto, é unha das máis utilizadas polos peregrinos europeos para chegar a Compostela e visitar a tumba do Apóstolo Santiago.
Este “camiño” cruza todo o norte de España, seguindo a cornixa cantábrica dende Francia ata Galicia.
O Camiño de Santiago Norte multiplica variantes para sortear as ribeiras e entrantes de mar, ata que acada o interior galego.
Correos dende hai anos, dedica un carné a esta ruta, este ano en concreto, ao seu paso por San Vicente de la Barquera e San Toribio de Liébana.
O primeiro dos selos ten como motivo a Igrexa de Santa María de los Ángeles de San Vicente de la Barquera. Declarada Ben de Interese Cultural no ano 1931, domina toda a vila e está rodeada por unha muralla na que se pode ver a coñecida como “porta dos peregrinos”, aquela pola que as persoas que realizan a ruta xacobea deben pasar ao facer o seu percorrido. Esta igrexa é un dos exemplos máis destacados da arquitectura gótica en Cantabria e un dos símbolos do Camiño de Santiago do Norte.
O segundo dos selos está dedicado á Igrexa de Santo Toribio de Liébana. Non todos os Camiños de Santiago levan ata o Apóstolo. Algúns, como este, bifúrcase e convértese no Camiño Lebaniego, unha vía de peregrinación xacobea mediante a que é posible gañar as mesmas indulxencias que se se chegase a Compostela pero sen saír de Cantabria.
No mosteiro de San Toribio consérvase unha das reliquias máis importante da cristiandade: o maior anaco coñecido da Cruz de Cristo. Por este motivo,
moitos dos peregrinos que viaxaban cara a Santiago de Compostela polo Camiño do Norte desviábanse para tocar ou bicar o madeiro no que se cravou a Cristo. Dende o momento no que o papa Julio II outorgou o privilexio a Santo Toribio de Liébana para que celebrase o seu propio Ano Xubilar son moitos máis os que escollen esta ruta.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.