Data de emisión: 26 xuño 2020
MULLERES NO DEPORTE: OLÍMPICAS
Nos xogos de 1900 en París, 22 mulleres competiron en tenis e en golf. Nos xogos de Ámsterdam de 1928, o dez por cento dos deportistas foron mulleres. Xa na nosa época, se nos remontamos aos últimos Xogos Olímpicos en Río, as mulleres representaron o corenta e cinco por cento dos participantes.
Pódese dicir que, aínda que queda moito camiño por andar, superáronse moitos prexuízos sobre os roles de xénero no deporte.
O deporte feminino en España tamén evolucionou, dende Lilí Álvarez, primeira deportista española da historia a Paz Corominas, primeira nadadora española finalista na súa especialidade; ou Margot Moles pioneira do atletismo feminino español, que desempeñou tamén outros deportes como o esquí, o lanzamento de disco, peso e martelo, o hóckey e a natación, pasando por Miriam Blasco, primeira medalla de ouro en judo.
Correos, sempre apoiando ao deporte español, seguiu de preto as fazañas do deporte feminino e dedícalles estas mulleres, en concreto, ás deportistas olímpicas, unha folla bloque que ten como protagonistas a tres mulleres que fixeron historia no deporte olímpico: Lilí Álvarez e Margot Moles como pioneiras nunhas Olimpíadas; e Blanca Fernández Ochoa, primeira muller española en gañar unha medalla olímpica. Fíxoo no slálom dos Xogos Olímpicos de Inverno de Albertville en 1992.
Blanca Fernández Ochoa fíxose co bronce, unha medalla que lle soubo a ouro despois de que catro anos antes, en Calgary, Canadá, unha caída lle impediu subir ao máis alto do podio.
O selo recolle un belo primeiro plano da esquiadora levándose á boca a medalla de bronce para bicala e celebrar así a súa vitoria.
Branca deixounos demasiado pronto, pero sempre quedará na memoria de todos o seu gran sorriso, ese que levou tanto na competición coma na vida.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.