Data de emisión: 10 novembro 2020
OFICIOS ANTIGOS. SERENO
Seguindo a serie filatélica Oficios Antigos coa que en anos anteriores Correos dedicou selos a oficios como o de mineiro, vidreiro ou oleiro, este ano será o singular oficio de sereno o protagonista desta emisión.
O Prego Premium recolle algúns dos elementos máis representativos desta profesión, como a gorra ou o chaveiro.
Os selos, recortados con forma de chave e cunha impresión metalizada, colgan dese chaveiro, compañeiro inseparable do sereno.
Tense noticias desta profesión dende polo menos 1715, creándose o Corpo de serenos o 12 de abril de 1765. A súa primeira regulación coñecida é o Real Decreto do 16 de setembro de 1834.
Os serenos debían vivir no barrio onde traballaban, non ter antecedentes penais, ter entre 20 e 40 anos e non ter outro traballo que lles impedise traballar pola noite.
Debían ser nomeados pola policía e ser persoas de total confianza posto que se encargaban da seguridade dos bens e das persoas.
Nos seus inicios, as funcións que tiñan era activar a iluminación da gran cidade e facer roldas nocturnas para preservar a seguridade nas rúas.
Co tempo, comezaron a desenvolver outras funcións como a de acompañar os veciños ás súas casas e vixiar que non houbese delincuentes arredor das casas.
O seu uniforme consistía nun capote gris que máis tarde pasaría a ser unha bata da mesma cor, unha gorra de prato, un chuzo (pau para defenderse), un asubío e un mangado de chaves como o que se representa no Prego.
A súa presenza era fundamental a partir das dez da noite cando para entrar na vivenda era necesario que o sereno abrise o portal. A persoa que quería entrar na vivenda berraba a expresión “sereno” e este acudía ao seu encontro.
Esta profesión extinguiuse nos anos setenta aínda que os que a coñeceron nunca a poderán esquecer.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.