Data de emisión: 28 outubro 2020
ORDE DOS FRATRES DE CÁCERES
A Orde dos Fratres é considerada a orixe da Orde de Santiago. Segundo as referencias que se conservan da época, foi o rei Fernando II de León no ano 1170 quen fundou a Orde dos Fratres, confirmada despois por bula do papa Alexandre III cinco anos despois.
O obxectivo inicial desta Orde era apoiar a Reconquista cristiá naquelas zonas que estaban ocupadas polos musulmáns na Península Ibérica e defender os peregrinos que realizaban o Camiño de Santiago.
Doce cabaleiros liderados por Pedro Fernández, señor de Fuentencalada, cóengo e militar español, ao que se lle considera fundador e primeiro mestre da Orde de Santiago.
Por orde do rei leonés, “os Fratres” ocupáronse de xeito especial da defensa da cidade de Cáceres.
En 1974, o emir almohade Yusuf-abu-Yacub atacou Cáceres coa intención de restaurar o poder musulmán na nosa península. A cidade, defendida polos Fratres da Espada, foi tomada polo emir, quen obtivo a vitoria e, ademais, acabou degolando os defensores cristiáns, di a historia, na coñecida como a Torre de Bujaco.
Aínda que eses cabaleiros pereceron cumprindo a función que se lles encomendara, a antiga Orde dos Fratres derivou na Orde de Santiago, que tivo un gran poder e influencia en España.
Pertencer á Orde era signo de distinción social e representaba ter un alto poder adquisitivo. As persoas máis destacadas da Igrexa e a nobreza copaban os cargos da Orde santiaguista.
O Prego Premium dedicado á antiga orde medieval recolle uns selos que representan o seu escudo, no que se poden ver dúas espadas cruzadas, símbolo que aínda podemos nalgún edificio de Cáceres, aínda que na súa vestimenta lucían unha espada vermella no peito.
O selo, rodeado de imaxes da cidade estremeña, está imprimido con golpe seco, que o fai, se cadra, máis especial.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.