Patrimonio mundial. Risco Caído y Montañas Sagradas

PATRIMONIO MUNDIAL.

PAISAXE CULTURAL DE RISCO CAÍDO E AS MONTAÑAS SAGRADAS

DE GRAN CANARIA

O 7 de xullo de 2019, na 43º sesión do Comité de Patrimonio Mundial da UNESCO, a Paisaxe Cultural de Risco Caído e as Montañas Sagradas de Gran Canaria, pasaron a formar parte desta importante lista.

O selo, unha calcografía que ten como motivo principal un dos picos montañosos deste lugar, está enmarcado nunha folla bloque cunha vista xeral da paisaxe.

Este lugar está cheo de lugares espectaculares, como as covas onde se poden observar manifestacións humanas dende épocas ancestrais.

Algunhas destas covas pódense ver na marxe esquerda do curso baixo o Barranco Hondo, unha contorna moi rica en vestixios paleontolóxicos. Coñecido tamén como Risco Maldito, este antigo poboado atópase abandonado dende mediados do século XX.

Unha das covas, a coñecida como C6, crese que era un almogarén ou lugar de reunión dos Faycanes, sacerdotes. A cova ten a particularidade de posuír unha estrutura abovedada e contar cun orificio artificial que ao recibir a luz do abrente produce un efecto óptico peculiar sobre as imaxes impresas na parede da cova.

O centro montañoso da illa, ten especial interese pola súa morfoloxía e a súa biodiversidade.

Tamén, é o punto de encontro de dúas culturas que son a orixe da sociedade canaria actual: unha cultura procedente do norte de África que probablemente chegan a Gran Canaria arredor do cambio de era e unha civilización europea nos albores da Idade Moderna.

Desta simbiose cultural xurdiron moitos elementos e tradicións, algúns quedaron no esquecemento, e outros, como a dimensión sagrada, que se lle dá a estas montañas permanecen nos nosos días.

Como transmite esta folla bloque, este lugar transmite unha grande espectacularidade e tamén, certo halo de maxia.