Protagonistas de la Historia. Baldomero Espartero

PROTAGONISTAS DA HISTORIA. BALDOMERO ESPARTERO.

Un H troquelado é o símbolo da nova serie coa que Correos pretende homenaxear algúns dos protagonistas da Historia de España.

O primeiro deles é Baldomero Espartero, militar español, príncipe de Vergara, duque da Victoria, duque de Morella, conde de Luchana e vizconde de Banderas.

Un primeiro plano do retrato pintado por José Casado del Alisal e unha imaxe da estatua ecuestre do militar, situada na confluencia das rúas madrileñas de Alcalá e de O'Donnell, fronte a unha das portas que dá acceso ao emblemático Parque do Retiro.

Esta estatua ergueuse a finais do século XIX como homenaxe a un dos máis grandes xenerais que tivo España nese século.

Rexente mentres a raíña Isabel II chegaba á maioría de idade, salientou entre outras moitas cousas pola súa participación na Guerra da Independencia contra Francia e tamén, como líder da primeira Guerra Carlista en favor de Isabel II.

Grazas aos seus logros militares, obtivo os títulos e tamén o prestixio que lle outorgou un imparable ascenso social que puxo ao servizo dos seus ideais políticos progresistas.

Non estaba de acordo co conservadorismo da raíña María Cristina á que obrigou a abdicar facendo que as Cortes a nomeasen rexente, ata que a inimizade e os desacordos, pola súa forma autoritaria de gobernar, lle fixesen disolver as Cortes.

Exiliouse en Londres volvendo tempo despois para retirarse en Logroño, pero en 1954, tras uns convulsos acontecementos políticos, foi nomeado presidente do Goberno durante o período coñecido como “bienio progresista”.

De novo foi expulsado do poder por un antigo aliado, Leopoldo O'Donnell e retirouse de novo a Logroño dende onde viviu pasivamente a revolución que destronou a Isabel II e onde rexeitou ser nomeado rei constitucional de España.

Nun dos seus traballos, o hispanista Adrian Shubert dixo que sendo Espartero considerado por moitos “a encarnación mesma da paz e o goberno constitucional”, nin sequera se lle distinguira “co modesto recoñecemento dun selo de correos”. Hoxe, Baldomero Espartero, ten o seu selo.