Camiño interior do País Vasco e A Rioxa

CAMIÑOS DE SANTIAGO DO NORTE PENINSULAR 

Correos emite un novo carné sobre os Camiños do Norte Peninsular, declarados pola UNESCO Patrimonio Inmaterial da Humanidade.  

Este ano, é Camiño Interior do País Vasco e A Rioxa o protagonista da emisión, e, estes catro novos selos únense aos anteriores dedicados ao Camiño Costeiro, o Camiño de Liébana e o Camiño Primitivo. 

Os Camiños do Norte Peninsular son catro rutas que suman 1.499 km aos 800 km do Camiño Francés e que se estenden polas comunidades autónomas do País Vasco, A Rioxa, Cantabria, Asturias e Galicia. 

O Camiño Vasco do Interior enlaza Irún co Camiño Francés, o devandito enlace pode ser en Santo Domingo de la Calzada ou en Burgos, segundo o itinerario preferido. O camiño cruza a Serra de Aizkorri polo singular túnel de San Adrián. 

O primeiro dos selos está dedicado ao paso do camiño por La Puebla de Arganzón, en Burgos. Está protagonizado por un detalle da Igrexa da Nosa Señora de La Asunción, que foi declarada Ben de Interese Cultural, o 13 de xuño de 1991 coa categoría de Monumento.  

O segundo dos selos fai parada en Irún, Guipúzkoa. A Igrexa de Juncal ten o papel protagonista. Este templo debe o seu nome á aparición, en 1400, dun talle da Virxe nas xunqueiras que bordeaban ao esteiro. É punto de paso de peregrinos xacobeos e unha peza salientable do Irún romano, ao acharse na súa traseira termas e baños públicos desa época. 

Un detalle da fachada principal da Catedral de Santo Domingo de la Calzada, é o motivo principal do terceiro dos selos. Data do século XII, e ten a súa orixe no propio Santo Domingo que morreu nesta cidade. No interior do edificio consérvase a tumba do Santo, converténdoo nun importante centro de peregrinación. 

O último dos selos recorda outro dos puntos desta ruta, Vitoria – Gasteiz, en Araba/Álava. A Catedral Nova de Vitoria ou Parroquia de María Inmaculada é o edificio neogótico máis importante de Vitoria e está situada no barrio de Lovaina. A súa construción está incompleta, xa que, debido á falta de financiamento, se deixaron sen realizar unha serie de elementos arquitectónicos.