Data de emisión: 18 marzo 2021
XESTIÓN DE RESIUDOS COVID.
Dende que a COVID 19 chegou ás nosas vidas e puxo todo do revés, son moitos as frontes abertas que a poboación mundial ten que combater.
A xestión da pandemia ademais de ocuparse da atención dos enfermos, control de contaxios, desenvolvemento de vacina ou tratamentos para paliar e acabar con esta terrible enfermidade, presenta outro tipo de retos colaterais, pero igual de importantes para o futuro do planeta Terra, como é a xestión de residuos xerados a causa desta situación.
Correos, no seu afán por colaborar activamente nesta crise mundial, así como na protección do ambiente, quere poñer especial atención na concienciación sobre a xestión dos residuos COVID.
Para iso, emite un selo cuñado con forma de colector de residuos, no que se pode ver unha máscara depositada neste.
O selo está enmarcado nunha folla bloque en forma de díptico en cuxo interior se inclúen 6 tarxetas franqueadas con tarifa A, dedicadas a concienciar sobre a invasión dos residuos en diferentes lugares naturais.
Dende Correos quérese animar a poboación a que sexamos responsables coa utilización das máscaras, luvas e outros elementos de protección, facendo un uso adecuado destes e, sobre todo, dándolles un final apropiado para que o impacto sobre ambiente sexa o mínimo e imprescindible.
Sempre que sexa posible, é conveniente usar elementos reutilizables e, sobre todo, depositalos nos colectores destinados para a súa reciclaxe ou destrución por parte de empresas especializadas para iso.
Deste xeito, o día que por fin deamos por finalizada esta pandemia mundial, teremos limitado dalgún xeito os danos que este virus provocase nas nosas vidas.
Non hai que esquecer que protexer o medio é tamén protexer a nosa saúde e o noso futuro.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.